پاک فوج کا پائیدار امن کیلیے انسداد دہشت گردی آپریشنز جاری رکھنے کا فیصلہ

 راولپنڈی: آرمی چیف جنرل قمر جاوید باجوہ کی سربراہی میں کور کمانڈرز کانفرنس میں پائیدار امن کے لیے انسداد دہشت گردی آپریشنز جاری رکھنےکا فیصلہ کیا گیا ہے۔

آرمی چیف جنرل قمر جاوید باجوہ کی سربراہی میں جنرل ہیڈ کوارٹرز راولپنڈی میں کور کمانڈرز کانفرنس ہوئی، جس میں ملکی سلامتی، لائن آف کنٹرول، ورکنگ باونڈری کی صورت حال، جیو اسٹریٹجک معاملات، آپریشن ردالفساد کے تحت کارروائیوں اور ملکی استحکام سے متعلق امور کا تفصیلی جائزہ لیا گیا۔

اس موقع پر ملک میں جاری آپریشن ردالفساد کے تحت استحکام آپریشنز کی پیش رفت پر بھی غور کیا گیا، اس کے علاوہ آرمی چیف نے شرکا کو اپنے دورہ چین سے متعلق بھی آگاہ کیا۔

CCC at GHQ. Forum thanked people of Pakistan for honouring Martyrs of Pakistan in a befitting manner on the eve of ‘National Defence and Martyrs Day 2018’ to whom we owe our peace and stability. (2 of 2). pic.twitter.com/9H9swpwHAa

— Maj Gen Asif Ghafoor (@OfficialDGISPR) October 1, 2018

آئی ایس پی آر کے مطابق کور کمانڈرز کانفرنس میں عسکری قیادت کا کہنا تھا کہ ملک میں امن و استحکام شہدا کی قربانیوں کی وجہ سے ہے، کور کمانڈرز نے پائیدار امن کے لیے انسداد دہشت گردی آپریشنز جاری رکھنے کا فیصلہ کیا۔