- رفح پر اسرائیلی حملے سے حماس ختم نہیں ہوگی، امریکا
- مسلح ملزمان نے سابق ڈی آئی جی کے بیٹے کی گاڑی چھین لی
- رضوان اور فخر کی شاندار بیٹنگ، پاکستان نے دوسرے ٹی ٹوئنٹی میں آئرلینڈ کو ہرادیا
- آئی ایم ایف نے ایف بی آر سے 6 اہم امور پر بریفنگ طلب کرلی
- نارتھ ناظم آباد میں مبینہ طور پر غیرت کے نام پر بھائی نے بہن کو قتل کردیا
- کراچی ایئرپورٹ پر روڈ ٹو مکہ پراجیکٹ کا افتتاح،پہلی پرواز عازمین حج کو لیکر روانہ
- شمسی طوفان سے پاکستان پر کوئی اثرات مرتب نہیں ہوئے، سپارکو
- سیاسی جماعتیں آپس میں بات نہیں کریں گی تو مسائل کا حل نہیں نکلے گا، بلاول
- جرمنی میں حکومت سے کباب کو سبسیڈائز کرنے کا مطالبہ
- بچوں میں نیند کی کمی لڑکپن میں مسائل کا سبب قرار
- مصنوعی ذہانت سے بنائی گئی آوازوں کے متعلق ماہرین کی تنبیہ
- دنیا بھر کی جامعات میں طلبا کا اسرائیل مخالف احتجاج؛ رفح کیمپس قائم
- رحیم یار خان ؛ شادی سے انکار پر والدین نے بیٹی کو بدترین تشدد کے بعد زندہ جلا ڈالا
- خالد مقبول صدیقی ایم کیو ایم پاکستان کے چیئرمین منتخب
- وزیراعظم کا ہاکی ٹیم کے ہر کھلاڑی کیلئے 10،10 لاکھ روپے انعام کا اعلان
- برطانیہ؛ خاتون پولیس افسر کے قتل پر 75 سالہ پاکستانی کو عمر قید
- وزیراعظم کا آزاد کشمیر کی صورتحال پر گہری تشویش کا اظہار، ہنگامی اجلاس طلب
- جماعت اسلامی کا اپوزیشن اتحاد کا حصہ بننے سے انکار
- بجٹ میں سیلز اور انکم ٹیکسز چھوٹ ختم کرنے کی تجویز
- پیچیدہ بیماری اور کلام پاک کی برکت
سی ایس ایس کا امتحان کیبنٹ ڈویژن نے’’ اسکریننگ ٹیسٹ‘‘ لینے سے روک دیا
کراچی: کیبنٹ ڈویژن نے فیڈرل پبلک سروس کمیشن کو سی ایس ایس(سول سروس) کے امتحان سے قبل ’’رجحان ٹیسٹ‘‘کے طور پر ملکی تاریخ میں پہلی بارمتعارف کروا ئے گئے’’ اسکریننگ ٹیسٹ ‘‘ لینے سے روک دیا ہے۔
جبکہ سول سروس کا امتحان دینے کے لیے کم سے کم عمرکی مقررہ حد 21 سال کو ختم کرنے کے فیصلے پر بھی فی الحال عملدرآمدنہ کرنے کے احکامات جاری کیے ہیں ’’ ایکسپریس ‘‘ کو معلوم ہوا ہے کہ منظوری کے بغیر اہم فیصلوں پر عملدرآمد پر کیبنٹ ڈویژن نے فیڈرل پبلک سروس کمیشن سے باقاعدہ اعتراض کیا، کیبنٹ ڈویژن نے اس حوالے سے فیڈرل پبلک سروس کمیشن کو آگاہ کرتے ہوئے پیر سے ملک بھر میں اسکریننگ ٹیسٹ کے جاری ہونے والے فارم کا اجرا رکوادیا ہے۔
فیڈرل پبلک سروس کمیشن نے کچھ عرصے قبل پاکستان کی اعلیٰ بیوروکریسی سے منسلک ہونے کے لیے پاکستان کی تاریخ میں پہلی بارسول سروس (سی ایس ایس) کے امتحان سے قبل اسکریننگ ٹیسٹ متعارف کرانے کا فیصلہ کیا تھا جس کا باقاعدہ اعلان بھی کردیاگیا تھا ،اس فیصلے کے تحت پورے پاکستان میں سول سروس کا امتحان دینے والے امیدواروں کواسکریننگ ٹیسٹ کے مرحلے سے گزرنا تھا ،شیڈول کے تحت یہ ٹیسٹ ستمبرمیں منعقد ہونے ہیں اورسول سروس کے امتحان میں شرکت کے لیے اسکریننگ ٹیسٹ میں کامیابی لازمی قراردے دی گئی تھی،ملک بھر سے اسکریننگ ٹیسٹ میں کامیاب ہونے والے امیدوارہی فروری 2014میں ہونے والے سی ایس ایس کے امتحان میں شرکت کے اہل قراردیے گئے تھے، اس سلسلے میں ملک بھرمیں اسکریننگ ٹیسٹ کے فارم پیرسے جاری کیے جانے تھے ۔
تاہم فیڈرل پبلک سروس کمیشن کے اس حالیہ اوراپنی نوعیت کے غیرمعمولی فیصلے کا منظوری کے بغیراطلاق کیے جانے پراعتراض کرتے ہوئے کیبنٹ ڈویژن نے اس فیصلے پرعملدرآمدروک دیا ، مزیدبراں کیبنٹ ڈویژن نے سی ایس ایس کے امتحان میں شرکت کے لیے عمرکی مقررکردہ کم سے کم حد کوختم کرنے کے فیڈرل پبلک سروس کمیشن کے فیصلے پربھی اعتراض کیااورفیصلے کی بھی منظوری نہیں دی گئی ہے، واضح رہے کہ فیڈرل پبلک سروس کمیشن کی جانب سے اعلان کردہ اسکریننگ ٹیسٹ کاپرچہ 200مارکس جبکہ انگریزی، جنرل ایبیلیٹی ،جنرل نالج،(روزمرہ سائنس، حالات حاضرہ،پاکستان افیئرز) کے علاوہ اسلامیات پرمشتمل ہوناتھا۔
اس پرچے کا امتحان 15ستمبرکولیاجانا تھا3 گھنٹے کا پرچہ ایم سی کیوزپرمشتمل ہونا تھا ’’ایکسپریس‘‘ نے اس سلسلے میں جب کراچی میں فیڈرل پبلک سروس کمیشن کے ’’پرووینشل ہیڈ‘‘ عتیق احمد سے رابطہ کیا تو ان کاکہنا تھا کہ کیبنٹ ڈویژن نے منظوری کے بغیر مذکورہ فیصلوں پر عملدرآمد روک دیا ہے، ان کاکہنا تھا کہ ابھی یہ نہیں کہا جا سکتا کہ ان فیصلوں کی منظوری دے دی جا ئے گی یا دونوں فیصلوں کو مستقل بنیادوں پر رد کردیا جائے گا ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔