کرائسٹ چرچ حملے میں 4 پاکستانی زخمی اور 5 لاپتا ہیں، ترجمان دفتر خارجہ

 اسلام آباد: ترجمان دفترخارجہ ڈاکٹرمحمد فیصل نے کہا ہے کہ نیوزی لینڈ کی مسجد میں ہونے والی فائرنگ کے نتیجے میں 4 پاکستانی بھی زخمی ہوئے جب کہ 5 لاپتا ہیں۔

ترجمان دفترخارجہ کی جانب سے جاری بیان کے مطابق پاکستان نے نیوزی لینڈ کے شہرکرائسٹ چرچ کی مسجد میں ہونے والی دہشت گردی کی مذمت کی ہے۔

اس خبرکوبھی پڑھیں: نیوزی لینڈ کی مسجد میں فائرنگ سے بنگلادیشی کرکٹ ٹیم بال بال بچ گئی

ترجمان کا کہنا ہے کہ دہشت گردی کے واقعے میں 4 پاکستانی بھی زخمی ہوئے ہیں ان کا اسپتال میں علاج جاری ہے جب کہ 5 پاکستانی لاپتا ہیں جن کی شناخت کا مقامی حکام کی مدد سے پتا لگایا جارہا ہے۔

Update on New Zealand terrorism incident – 4 Pakistanis injured and being treated in hospitals – 5 Pakistanis are missing. Identities are being authenticated in consultation with local authorities.

— Dr Mohammad Faisal (@DrMFaisal) March 15, 2019

واضح رہے کہ نیوزی لینڈ کے شہرکرائسٹ چرچ کی مساجد میں فائرنگ سے 49 افراد شہید اورمتعدد زخمی ہوگئے جب کہ دورہ پرموجود بنگلادیشی کرکٹ ٹیم بھی اس حملے میں بال بال بچ گئی۔