- بھارتی فوج کی گاڑی نے مسافر بس اور کار کو کچل دیا؛ 2 ہلاک اور 15 زخمی
- کراچی میں 7سالہ معصوم بچی سے جنسی زیادتی
- نیب ترامیم کیس؛ عمران خان کو بذریعہ ویڈیو لنک سپریم کورٹ میں پیشی کی اجازت
- کوئٹہ؛ لوڈشیڈنگ کیخلاف بلوچستان اسمبلی کے باہر احتجاج 6 روز سے جاری
- حکومت کو نان فائلرز کی فون سمز بلاک کرنے سے روکنے کا حکم
- آئی ایم ایف کا پاکستان کے ٹریک اینڈ ٹریس سسٹم میں خرابیوں پر اظہارتشویش
- کراچی یونیورسٹی میں فلسطین سے اظہار یکجہتی؛ وائس چانسلر نے مہم کا آغاز کردیا
- کراچی میں شدید گرمی کے دوران 12، 12 گھنٹے لوڈشیڈنگ، شہری بلبلا اٹھے
- کم عمر لڑکی کی شادی کرانے پر نکاح خواں کیخلاف کارروائی کا حکم
- جنوبی وزیرستان؛ گھر میں دھماکے سے خواتین سمیت 5 افراد جاں بحق
- آزاد کشمیر میں جوائنٹ ایکشن کمیٹی کا احتجاج ختم کرنے کا اعلان
- جوسز پر فیڈرل ایکسائز ٹیکس؛ خسارے کا سودا
- وزیراعظم کا اسٹریٹیجک اداروں کے سوا تمام ریاستی ملکیتی اداروں کی نجکاری کا اعلان
- طبی آلات کی چارجنگ، خطرات اور احتیاطی تدابیر
- 16 سال سے بغیر کچھ کھائے پیے زندہ رہنے والی خاتون
- واٹس ایپ صارفین کو نئی جعلسازی سے خبردار رہنے کی ہدایت
- ممبئی میں مٹی کا طوفان، 100 فٹ لمبا بل بورڈ گرنے سے 14 افراد ہلاک
- غزہ میں فلسطینیوں کی نسل کشی نہیں ہو رہی ، امریکا
- بولرز کی خراب فارم نے خطرے کی گھنٹی بجا دی
- محمد رضوان نے اپنی ’سادہ‘ فلاسفی بیان کردی
اسلام آباد میں اکٹھے ہونے والوں میں سے ایک کا بھی روزہ نہیں ہوگا، شیخ رشید
کراچی: وفاقی وزیر ریلوے شیخ رشید نے کہا ہے کہ سارے گندے انڈے اور بدبو دار قیادت اسلام آباد میں اکٹھے ہونے جارہے ہیں۔
ایکسپریس نیوز کے مطابق کراچی کے کیمپ آفس میں صحافی برداری کے اعزاز میں افطار ڈنر سے خطاب کرتے ہوئے وفاقی وزیر ریلوے شیخ رشید کا کہنا تھا کہ بین الاقوامی سطح پر پاکستان کے خلاف سازشیں ہو رہی ہیں جس میں سی پیک اور ریلوے کو ناکام بنانا سرفہرست ہے۔ ملک کی سلامتی کو خطرہ سرحدوں پر ملک دشمنوں سے نہیں بلکہ معیشت سے ہے۔
وفاقی وزیر ریلوے شیخ رشید نے کہا ہے کہ ملک میں کئی دہائیوں سے چوروں اور ڈاکوؤں کا ایسا راج تھا جس میں دونوں ایک دوسرے سے ملے ہوئے تھے، بجلی، گیس اور پٹرول سب ان چوروں اور ڈاکو کے گٹھ جوڑ کی وجہ سے مہنگا ہو رہا ہے۔ ملک میں آٹا اور شوگر مافیا کی ایک ہی پارٹی ہے۔
شیخ رشید نے کہا کہ سارے گندے انڈے اور بدبو دار قیادت اسلام آباد میں اکھٹے ہونے جارہے ہیں، اکھٹے ہونے والا سب چوروں کا اصطبل ہے، اسلام آباد میں اکھٹے ہونے والوں میں سے ایک کا بھی روزہ نہیں ہوگا۔ مسلم لیگ ن اپنی سیاست کا جنازہ نکالنے اسلام آباد جار ہی ہے۔
وفاقی وزیر ریلوے نے کہا کہ میں نے پہلے ہی قوم کو شہباز شریف کے این آر او مانگنے سے متعلق آگاہ کردیا تھا اور اب زرداری بھی ایسا ہی کرنے جا رہے ہیں، آصف زرداری بھی شہباز شریف کے راستے پر چل پڑے ہیں۔
کراچی سرکلر ریلوے کے حوالے سے انہوں نے کہا کہ جسٹس گلزار نے 15 دن میں انکروچمنٹ ختم کرنے کی ہدایت دی ہے جس پر عمل درآمد سے متعلق کل میٹنگ کریں گے اور کل ہی تمام علاقوں کی ٹرالی بھی کی جائے گی۔
سرکلر ریلوے پر سندھ حکومت کے اعتراض کے حوالے سے شیخ رشید کا کہنا تھا کہ مراد علی شاہ کو پتہ ہی نہیں ہے ہمیں کسی صوبے سے ایک ٹکڑا لینے کی ضرورت نہیں ہے،سندھ کی کرپٹ لیڈرشپ بتائے انہوں نے ایک بھی ٹرین چلائی ہو، نواب شاہ روڈ کی پٹری خستہ حال ہے۔ اس موقع پر وفاقی وزیر ریلوے نے کے پی ٹی کیساتھ مل کر بونڈڈ کنٹینر ٹرین چلانے کا اعلان کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔