کمال خان نے کترینہ کی کامیابی کا سہرا اکشے کمار کے سر باندھ دیا

 ممبئی: بالی ووڈ کے متنازع اداکار کمال راشد خان نے کترینہ کیف کی کامیابی کا سہرا سلمان خان کے بجائے اکشے کمار کے سر باندھ دیا۔

کمال راشد خان نے اپنی ٹویٹ میں سلمان خان پر تنقید کرتے ہوئے کہا ہے کہ میڈیا کہتا ہے کہ کترینہ کیف کو بنانے میں سلمان خان کا ہاتھ ہے، درحقیقت ایسا کہنا اکشے کمار اور ہدایت کار راج کنور کے ساتھ 100 فیصد ناانصافی ہوگی کیوں کہ یہ وہ لوگ ہیں جنہوں نے کترینہ کیف کو فلم ’ہم کو دیوانہ کرگئی‘ میں متعارف کروایا تھا۔

When media says that Salman khan has made Katrina, then It’s 100% unfair with late great director Raj Kanwar and Akshay Kumar, who relaunched her in #HumkoDeewanaKarGaye! Later Akshay gave her many films till Twinkle banned her. In between RGV and Anil Sharma also gave her films.

— KRKBOXOFFICE (@KRKBoxOffice) June 24, 2019

کمال راشد نے یہ بھی کہا کہ اکشے کمار نے ٹوئنکل کھنہ کی جانب سے پابندی عائد کرنے تک کترینہ کیف کو بہت سی فلمیں دیں۔

https://twitter.com/KRKBoxOffice/status/1143121345095577601

متنازع اداکار نے اکشے کمار کی فلموں کا حوالہ دیتے ہوئے کہا کہ اکشے کمار اب تک کترینہ کے ساتھ 8 فلمیں کرچکے ہیں اور اُن کی آٹھویں فلم ’سوریا ونشی‘ ہے تو اس کا مطلب یہ ہے کہ اکشے کمار ہی کترینہ کے لیے اصل گاڈ فادر ہوئے یہاں تک کہ کترینہ نے خود سلمان خان کے شو میں اکشے کمار کو والد کی طرح قرار دیا تھا۔

واضح رہے کہ روہت شیٹھی ہدایت کاری میں بننے والی فلم ’سوریا ونشی‘ میں اکشے کمار اور کترینہ کیف مرکزی کردار ادا کر رہے ہیں۔ فلم اگلے سال 27 مارچ کو سنیما گھروں کی زینت بنے گی۔