وزیراعظم عمران خان جمعرات کو سعودی عرب روانہ ہوں گے

 اسلام آباد: ترجمان دفتر خارجہ ڈاکٹر محمد فیصل کا کہنا ہے کہ وزیراعظم 19 اور 20 ستمبر کو سعودی عرب کا دورہ کریں گے۔

دفترخارجہ کی جانب سے جاری بیان میں بتایا گیا ہے کہ وزیراعظم عمران خان اقوام متحدہ کے 74 ویں اجلاس سے قبل دورہ سعودی عرب کریں گے،  وزیراعظم 19 اور 20 ستمبر کو سعودی عرب کا دورہ کریں گے۔

ترجمان دفترخارجہ کے مطابق سعودی عرب کے دورے کے دوران وزیراعظم سعودی قیادت سے کشمیر میں بگڑتی صورتحال پر تبادلہ خیال کریں گے اور 5 اگست کے بھارت کے غیر آئینی اقدامات پر گفتگو ہو گی۔ اس حوالے سے وزیراعظم پہلے ہی سعودی ولی عہد شہزادہ محمد بن سلمان کے ساتھ مسلسل رابطے میں ہیں۔