- ڈالر کے انٹر بینک اور اوپن مارکیٹ ریٹ کم ہوگئے
- کور کمانڈر ہاؤس حملہ کیس؛ 9مئی کے 10ملزمان کی ضمانت منظور
- اذلان شاہ ہاکی کپ: پاکستان اور جاپان کا میچ سنسنی خیز مقابلے کے بعد برابر
- زیتون کا تیل ڈیمنشیا سے مرنے کے خطرے کو کم کرتا ہے، تحقیق
- ماحول سے کاربن کشید کرنے کے لیے نیا طریقہ کار وضع
- عورت کا بھیس بدل کر پولیس کو چکما دینے والا چور گرفتار
- کورنگی میں دو دوستوں کے قتل کی تحقیقات، برطرف پولیس اہلکار کا کرمنل ریکارڈ نکل آیا
- پی ٹی آئی کا 9مئی واقعات پر جوڈیشل کمیشن بنانے کا مطالبہ
- وزیر داخلہ محسن نقوی کوئٹہ پہنچ گئے، وزیراعلیٰ بلوچستان سے ملاقات
- حکومت کا پنشن بوجھ کم کرنے کے لیے اصلاحات لانے کا اعلان
- پاکستان کو عالمی بینک سے 8 ارب ڈالرز ملنے کی توقع
- بجلی تقسیم کار کمپنیوں کی صارفین پر مزید 51 ارب روپے کا بوجھ ڈالنے کی درخواست
- ٹی20 ورلڈکپ سے قبل مچل مارش کی فٹنس سوالیہ نشان بن گئی
- سونے کی عالمی اور مقامی مارکیٹوں میں قیمت کم ہو گئی
- 9 مئی کرنے اور کروانے والوں کو سزا دینی پڑے گی، انتشاری ٹولے سے کوئی بات چیت نہیں ہوگی، ڈی جی آئی ایس پی آر
- حزب اللہ کا صیہونی ریاست پر ڈرون حملہ؛ 2 اسرائیلی فوجی ہلاک
- دوسری شادی پر بیوی نے بھری عدالت میں شوہر کی پٹائی کردی
- سعودی اور امریکی افواج کی مشترکہ جنگی مشقوں کا آغاز ہوگیا
- ٹیلی کام کمپنیاں 5 لاکھ سے زائد نان فائلرز کی موبائل سِمز بلاک کرنے پر رضامند
- عدلیہ میں مداخلت ہے، جسٹس اطہر؛ تو پھر آپ کو یہاں نہیں بیٹھنا چاہیے، چیف جسٹس
الخدمت کی سالانہ رپورٹ،ایک کروڑ 31 لاکھ 47 ہزارکے اخراجات
حیدر آباد: الخدمت فاؤنڈیشن ضلع حیدرآبادنے اپنی سالانہ رپورٹ جاری کردی ہے۔
جسکے مطابق اکتوبر 2012 سے ستمبر 2013 تک مدارس، صحت، دینی لٹریچر، میت گاڑی، ایمبولینس سروسز، وینٹ ایمبولینس، میڈیکل کیمپس اورمستحقین کی امداد پر مجموعی طور پر 1 کروڑ 31 لاکھ 47 ہزار 120 روپے کے اخراجات کیے گئے۔ فاؤنڈیشن کے ضلعی صدر راؤ مسعود علی خان نے سالانہ کارکردگی رپورٹ کی تفصیلات پیش کرتے ہوئے بتایاکہ الخدمت کے ذیلی شعبہ مدارس تفہیم القرآن کے تحت 14 مدارس میں تقریباً 12سو طلبہ بنیادی دینی تعلیم، ناظرہ اور حفظ ِقرآن کی تعلیم حاصل کررہے ہیں۔
شعبہ صحت کے تحت لطیف آبادیونٹ نمبر8میں میڈیکل سینٹر، پریٹ آباد میں ڈسپنسری، مختلف مقامات پر میڈیکل کیمپس، ایمبولینس اور وینٹ ایمبولینس کی خدمات مہیاکی گئیں جبکہ لطیف آبادنمبر8 میں جدید سہولتوں سے آراستہ ڈائیگنوسٹک میگالیبارٹری قائم کی گئی ہے جہاں مارکیٹ سے کم ریٹ پر تقریباً تمام ٹیسٹ کی معیاری سہولتیں دستیاب ہیں۔ انھوں نے بتایا کہ سال بھر کے دوران الخدمت نے نجی وسرکاری اسپتال جانے والے ملازمین کی رہنمائی کرنے کے علاوہ انکی مالی مدد بھی کی جبکہ معذورین کووہیل چیئر، واکر اور بیساکھیاں بھی فراہم کی گئیں۔
شعبہ امدادِمستحقین کے تحت پورے سال غریب مستحق افرادکی مالی اعانت اور مفت علاج میں تعاون کیاگیا، رمضان المبارک میں سیکڑوں خاندانوں میں راشن تقسیم کیاگیا، سینٹرل جیل کے قیدیوں میں سردی سے بچاؤں کے لیے کمبل اور افطاری کا اہتمام کیا گیا اور قیدی خواتین اور بچوں میں عیدگفٹس بھی تقسیم کیے گئے جبکہ عیدالاضحی کے ایام میں گائے اور بکروں کی قربانی کا گوشت تقسیم کیا گیا۔ انھوں نے بتایاکہ پانی کی فراہمی کے لیے ہینڈ پمپ اسکیم کے تحت 4 ہینڈ پمپ لگانے کے علاوہ ٹنڈوجام میں ایک آر او فلٹر پلانٹ بھی لگایا گیا اور روزگار اسکیم کے تحت درجنوں افراد کو روزگار بھی فراہم کیا گیا۔
شعبہ ہنگامی امدادکے تحت برماکے مظلوم مسلمانوں، بلدیہ ٹاؤن کراچی کے آتشزدگی کے متاثرین اور بارش زدگان کومالی امداد فراہم کی گئی۔ انھوں نے بتایاکہ الخدمت کومختلف مدات وشعبہ جات کے لیے 1کروڑ 31لاکھ 47 ہزار 120 روپے کی آمدنی ہوئی تھی ا ور اسی قدر اخراجات کیے گئے ۔جبکہ آئندہ کے لیے ٹنڈوجام میں الخدمت اسپتال ،مدرسہ قاسم العلوم کچاقلعہ اور جامعۃ العلوم تفہیم القرآن ہیرآبادکی عمارتوں کے تعمیرات کے منصوبوں پر تاحال کام جاری ہے۔
الخدمت فاؤنڈیشن نے کم سے کم وسائل میں زیادہ سے زیادہ مسائل کے لیے کام کرنے کوشش کی اورالخدمت کے رضاکارصلہ اور ستائش کی تمناکے بغیر اﷲ کی رضاکے لیے شہریوں کی تمام شعبہ جات میں خدمات انجام دے رہے ہیں جس میں اضافے کے لیے ضروری ہے کہ مخیرافراد الخدمت سے زیادہ سے زیادہ مالی تعاون کریں ۔
تاکہ خدمات کے دائرے کو مزیدوسیع کیاجاسکے۔ دریں اثناء جماعت اسلامی کے ضلعی امیرشیخ شوکت علی، جنرل سیکریٹری حافظ طاہرمجیدراجپوت، نائب امیررضوان احمدگدی ،سابق امیر مشتاق احمدخان ایڈوکیٹ ،ڈپٹی جنرل سیکریٹری احمدمظہوراشرف ،اراکین شوریٰ وذمہ داران شعبہ جات نے جماعت اسلامی کراچی کے نومقررامیر حافظ نعیم الرحمان کے نام اپنے ایک پیغام میں نیک خواہشات کااظہارکیاہے اور جماعت اسلامی کراچی کی امارت کی ذمے داری ملنے پر ان کے لیے استقامت اور آسانی کی دعاکی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔