- آئی ایم ایف کا جائزہ مشن آج دس روزہ دورے پر پاکستان پہنچے گا
- زرداری پر عمران خان قتل کی سازش کا الزام، شیخ رشید تھانے طلب
- فواد چوہدری کے مزید جسمانی ریمانڈ کی استدعا مسترد، جوڈیشل ریمانڈ منظور
- صرف غیر ملکی کوچز ہی کیوں! پاکستان میں بھی قابل لوگ موجود ہیں، شاہد آفریدی
- دہشت گرد نماز کی پہلی صف میں موجود تھا، خواجہ آصف
- بنی گالہ سے قتل کے ملزم کو لے جانے والی جھنگ پولیس پر فائرنگ، اہلکار شہید
- بابراعظم میرے بیٹے جیسا ہے اُس سے کبھی ناراض نہیں ہوا، وسیم اکرم
- پاکستان کیخلاف جنگ کرنیوالوں کو صفحہ ہستی سے مٹا دینگے، وزیراعظم
- امریکا کے دیوالیہ ہونے کا خدشہ؛ صدر اور اپوزیشن سر جوڑ کر بیٹھنے کو تیار
- صوابی میں سی ٹی ڈی آپریشن، خودکش حملہ آوروں نے خود کو دھماکے سے اُڑالیا
- جنوبی افریقا میں سالگرہ کی تقریب پر فائرنگ؛ 8 افراد ہلاک
- فواد چوہدری کہاں ہیں کچھ پتا نہیں، حبا چوہدری
- پشاور پولیس لائنز کی مسجد میں خودکش دھماکا، اہلکاروں سمیت 32 افراد شہید
- پی ایس ایل کے نمائشی میچ کیلیے ٹکٹ کی قیمت صرف 20روپے
- قتل کی سازش کا الزام؛ آصف زرداری کا عمران خان کو 10 ارب ہرجانے کا نوٹس
- پختونخوا الیکشن کی تاریخ نہ دینے کیخلاف پی ٹی آئی کا عدالت جانے کا فیصلہ
- حب میں مسافر بس حادثے کا مقدمہ مالکان کیخلاف درج
- پاکستانی باکسر نے دبئی میں پروفیشنل باکسنگ فائٹ جیت لی
- مار گئی ہمیں یہ مہنگائی!
- مارشل آرٹس میں عالمی ریکارڈ ہولڈر راشد نسیم اطالوی ٹی وی شو میں مدعو
عوامی مسائل اُٹھانے پر مجھ پہ غداری کا مقدمہ قائم کیا جارہا ہے، فضل الرحمان

نہ ہم کسی کے رعب میں آںے والے ہیں اور نہ کسی سے ڈرتے ہیں، سربراہ جے یو آئی (ف) . فوٹو : فائل
چارسدہ: جمعیت علماء اسلام کے سربراہ مولانا فضل الرحمان نے کہا ہے کہ عوامی مسائل اُٹھانے پر حکومت ہم پر غداری کا مقدمہ بنانا چاہتی ہے لیکن ہم کسی کے رعب میں آںے اور ڈرنے والے نہیں۔
چار سدہ میں عالمی ختم نبوت کانفرنس سے خطاب کرتے ہوئے سربراہ جے یو آئی (ف) نے کہا کہ اس کامیاب کانفرنس کے انعقاد پر آپ سب کو مبارکباد پیش کرتا ہوں، اس حکومت نے کوشش کی کہ ناموس رسالتؐ کے آئین کو ختم کریں لیکن ہم چیلنج دیتے ہیں کہ اس قانون کو ذرا ختم تو کرکے دکھاؤ، ہم بیرونی منظوریوں سے پاکستان میں آنے والے حکمران کو مسلط ہونے نہیں دیں گے۔
مولانا فضل الرحمان نے کہا کہ اپنی کارکردگی سے یہ حکومت نااہل و ناکام ہوگئی جب کہ قوم رو رہی ہے، جے یو آئی نے موجودہ حکومت کی نااہلی تمام دنیا کو دکھادی، پاکستان کی معیشت ڈوب رہی ہے، 70 برس میں سب سے زیادہ قرضے اسی حکومت نے لیے، یہ حکومت ہرتین ماہ میں ضمنی ٹیکس پیش کرتی ہے جس کے سبب غریب عوام راشن نہیں خرید سکتے، عام آدمی بھوک اور افلاس کا شکار ہیں۔
جے یو آئی (ف) کے سربراہ نے کہا کہ نوجوانوں سے ایک کروڑ نوکریوں کا وعدہ کیا گیا مگر 20 لاکھ نوجوان بے روزگار ہوگئے، لوگوں سے گھروں کا وعدہ کیا گیا مگر غریبوں سے گھر چھین لیے گئے۔
انہوں ںے کہا کہ ہم نے حکومت کے رعب و دبدبے کو توڑا، ہم غریب آدمی کی آواز بنے تو حکومت ہم پر غداری کا مقدمہ بنانا چاہتی ہے لیکن ہم واضح کردیں کہ نہ ہم کسی کے رعب میں آںے والے ہیں اور نہ کسی سے ڈرتے ہیں۔
سربراہ جے یو آئی نے کہا کہ میڈیا پر بھی پابندیاں عائد کی جارہی ہیں لیکن ہم میڈیا کے ساتھ ہیں، اس طرح کے مظاہرے تمام پاکستان میں کیے جائیں گے، میں اعلان کرتا ہوں کہ اس حکومت کا خاتمہ ہونا چاہیے، ہم تحفظ ناموس رسالتؐ اور ملک میں مدارس کی بقا کے لیے کسی بھی قربانی سے دریغ نہیں کریں گے۔
دریں اثنا کانفرنس سے خطاب کرتے ہوئے اکرم خان درانی نے کہا کہ جمعیت کے ملین مارچ کے فوائد قوم نے دیکھ لیے، حکومت مولانا فضل الرحمان کے خلاف غداری کا مقدمہ قائم کرنا چاہتی ہے، ہم حکومت کو چیلنج دینا چاہتے ہیں کہ فضل الرحمان کے خلاف آرٹیکل 6 لگا کر دکھائے، اگر حکومت نے اس طرح کا کوئی بھی عمل کیا تو اس کے برے نتائج بھگتے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔