بھارت کے معروف موسیقاروگلوکار واجد علی انتقال کرگئے

ممبئی: بالی وڈ کی مقبول موسیقار جوڑی ساجد واجد کے رکن واجد علی 42 سال کی عمر میں انتقال کرگئے۔

بھارتی میڈیا کی رپورٹس کے مطابق موسیقار واجد علی طویل عرصے سے گردے کے مرض میں مبتلا تھے، اور وہ طبعیت زیادہ خراب ہونے کی وجہ سے پچھلے 4 دنوں سے وہ وینٹی لیٹر پر تھے۔

https://twitter.com/salim_merchant/status/1267187747506315264

بالی ووڈ کے معروف گلوکار وموسیقار سلیم مرچنٹ نے سماجی رابطے کی ویب سائٹ پر واجد علی کی موت کی خبر شیئر کرتے ہوئے کہا کہ مقبول موسیقار جوڑی ساجد واجد کے رکن واجد علی کی موت سے بہت دکھی اور حیران ہوا ، آپ کے جانے سے ہماری انڈسٹری کو بہت بڑا نقصان پہنچا ہے۔

Terrible news. The one thing I will always remember is Wajid bhai's laugh. Always smiling. Gone too soon. My condolences to his family and everyone grieving. Rest in peace my friend. You are in my thoughts and prayers.@wajidkhan7

— PRIYANKA (@priyankachopra) May 31, 2020

بھارتی ادکارہ پریانکا چوپڑا نے اپنی ٹوئٹ میں واجد علی کی موت پر افسوس کا اظہار کرتے ہوئے کہا کہ میں ایک چیز ہمیشہ یاد رکھوں گی وہ ہے واجد علی کی ہنسی، جو ہر وقت مسکراتے رہتے تھے لیکن ہمیں بہت جلد چھوڑ کر چلے گئے، آپ ہمیشہ دعاوں میں یاد رہوگے۔

Very sad news for us all.. the most talented Singer and Composer who has given so many hits to the industry my big brother @TheSajidWajid just left us ..May Allah bless his soul, Rest in peace. Love you always and miss you brother. Your music is evergreen.. pic.twitter.com/jjGclJEc5d

— King Mika Singh (@MikaSingh) June 1, 2020

معروف بھارتی گلوکار مکا سنگھ نے بھی ٹوئٹ میں کہا کہ بہت افسوسناک خبر موصول ہوئی ہے کہ بالی ووڈ انڈسٹری کو بہت سے ہٹ گانے دینے والے بہت ہی باصلاحیت موسیقاروگلوکار واجد علی ہمیں چھوڑ کر چلے گئے۔

واضح رہے معروف طبلہ نواز استاد شرافت علی خان کے بیٹے تھے اور واجد علی نے حال ہی میں بالی ووڈ کے سلطان سلمان خان کے گانے ’بھائی بھائی‘ کی کمپوزنگ دی تھی۔