وزیراعظم نےخاتون وکیل  کےاغوا اور بدسلوکی کا نوٹس لے لیا

 اسلام آباد: وزیراعظم عمران خان نے اوکاڑہ میں خاتون وکیل نسرین ارشاد کے اغوا اور بدسلوکی کی  سامنے آںےوالی ویڈیوز کا نوٹس لے لیا ہے۔

وزیر اعظم کے مشیر برائے شہزاد اکبر نے ٹوئٹ کیا ہے کہ وزیرا عظم اس واقعے کی ویڈیوز کا نوٹس لے لیا اور پنجاب پولیس اورمتعلقہ حکام کوذمہ داروں کی فوری گرفتاری کاحکم دیا ہے۔ وزیراعظم نےمتاثرہ فیملی سےہرممکن تعاون کی ہدایت کی ہے۔

Prime Minister @ImranKhanPTI has taken notice of incident in this video below and has instructed police and concerned officials in Punjab to arrest culprits and provide all possible assistance to the victim. @PTIofficial pic.twitter.com/vFzigljMXp

— Mirza Shahzad Akbar (@ShazadAkbar) August 24, 2020

واضح رہے کہ خاتون کو 14 اگست کو اغوا کرکے بدسلوکی کا نشانہ بنایا گیا تھا جس کے بعد دو روز قبل انہیں سڑک کنارے پھینک دیاگیا  تھا جس کے بعد اس کی ویڈیوز سوشل میڈیا پر وائر ہوگئی تھیں اور صارفین کی جانب سے متاثرہ خاتون کو انصاف فراہم کرنے کا مطالبہ کیا جارہا تھا۔ وزیر اعلی پنجاب بھی واقعے کا نوٹس لے چکے ہیں۔

میڈیا رپورٹس کے مطابق مقامی پولیس نے بتایا ہے کہ خاتون وکیل متعدد مقدمات میں مدعی اور گواہ ہیں اور بعض معاملوں میں ان کی ذاتی رنجشیں بھی سامنے آئی ہیں۔ دیپالور میں پیش آنے والے واقعے کا مقدمہ حویلی لکھا ، بصیر پور تھانے میں درج کرکے تین رکنی تفتیشی ٹیم تشکیل دی جاچکی ہے۔