یوکرین؛ فوجی طیارہ لینڈنگ کے دوران تباہ، 22 مسافر ہلاک

حادثے کے بعد سوشل میڈیا پر آنے والی ویڈیو میں تباہ شدہ طیارے سے شعلے بلند ہوتے نظر آرہے ہیں

ویب ڈیسک ہفتہ 26 ستمبر 2020

حادثے کے بعد سوشل میڈیا پر آنے والی ویڈیو میں تباہ شدہ طیارے سے شعلے بلند ہوتے نظر آرہے ہیں(فوٹو، ٹوئٹر)

کیف: یوکرین کا فوجی طیارہ لینڈنگ کے دوران تباہ ہوگیا جس میں سوار زیر تربیت کیڈٹس سمیت 22 افراد ہلاک گئے۔

عالمی خبر رساں ادارے کے مطابق جمعے کو یوکرین کے دارالحکومت کیف سے چار سو کلو میٹر دور ایک ایئر بیس پر اترنے کے دوران اے این 26 طیارہ تباہ ہوگیا۔ طیارے پر کل 27افراد سوار تھے جن میں سے 22 فوجی کیڈٹ بتائے جاتے ہیں۔

تفصیلات کے مطابق طیارے پر سوار افراد میں سے دو شدید زخمی ہیں اور ان کی حالت نازک بتائی جاتی ہے۔ مقامی حکام کے مطابق تاحال طیارہ تباہ ہونے کی کوئی وجہ سامنے نہیں آسکی ہے۔ سوشل میڈیا پر حادثے کے بعد کی سامنے آنے والی ویڈیوز میں دیکھا جاسکتا ہے کہ تباہ شدہ طیارے سے شعلے بلند ہورہے ہیں۔