- مسلح ملزمان نے سابق ڈی آئی جی کے بیٹے کی گاڑی چھین لی
- رضوان اور فخر کی شاندار بیٹنگ، پاکستان نے دوسرے ٹی ٹوئنٹی میں آئرلینڈ کو ہرادیا
- آئی ایم ایف نے ایف بی آر سے 6 اہم امور پر بریفنگ طلب کرلی
- نارتھ ناظم آباد میں مبینہ طور پر غیرت کے نام پر بھائی نے بہن کو قتل کردیا
- کراچی ایئرپورٹ پر روڈ ٹو مکہ پراجیکٹ کا افتتاح،پہلی پرواز عازمین حج کو لیکر روانہ
- شمسی طوفان سے پاکستان پر کوئی اثرات مرتب نہیں ہوئے، سپارکو
- سیاسی جماعتیں آپس میں بات نہیں کریں گی تو مسائل کا حل نہیں نکلے گا، بلاول
- جرمنی میں حکومت سے کباب کو سبسیڈائز کرنے کا مطالبہ
- بچوں میں نیند کی کمی لڑکپن میں مسائل کا سبب قرار
- مصنوعی ذہانت سے بنائی گئی آوازوں کے متعلق ماہرین کی تنبیہ
- دنیا بھر کی جامعات میں طلبا کا اسرائیل مخالف احتجاج؛ رفح کیمپس قائم
- رحیم یار خان ؛ شادی سے انکار پر والدین نے بیٹی کو بدترین تشدد کے بعد زندہ جلا ڈالا
- خالد مقبول صدیقی ایم کیو ایم پاکستان کے چیئرمین منتخب
- وزیراعظم کا ہاکی ٹیم کے ہر کھلاڑی کیلئے 10،10 لاکھ روپے انعام کا اعلان
- برطانیہ؛ خاتون پولیس افسر کے قتل پر 75 سالہ پاکستانی کو عمر قید
- وزیراعظم کا آزاد کشمیر کی صورتحال پر گہری تشویش کا اظہار، ہنگامی اجلاس طلب
- جماعت اسلامی کا اپوزیشن اتحاد کا حصہ بننے سے انکار
- بجٹ میں سیلز اور انکم ٹیکسز چھوٹ ختم کرنے کی تجویز
- پیچیدہ بیماری اور کلام پاک کی برکت
- آزاد کشمیر میں مظاہرین کا لانگ مارچ جاری، انٹرنیٹ سروس متاثر، رینجرز طلب
سندھ ہائیکورٹ نے دودھ کی قیمتوں میں اضافے پر کمشنر کراچی کو طلب کرلیا
کراچی: سندھ ہائیکورٹ نے دودھ کی قیمتوں میں اضافے کے خلاف درخواست پر کمشنر کراچی کو ریکارڈ سمیت پیش ہونے اور سندھ فوڈ اتھارٹی کو جامع جواب جمع کرانے کا حکم دے دیا۔
جسٹس محمد اقبال کلہوڑو اور جسٹس شمس الدین عباسی پر مشتمل بینچ کے روبرو دودھ کی قیمتوں میں اضافے کے خلاف درخواست کی سماعت ہوئی۔ جسٹس اقبال محمد کلہوڑو نے استفسار کیا، کمشنر یا اسسٹنٹ کمشنر کہاں ہیں؟ عدالت نے پیش نہ ہونے پر اسسٹنٹ کمشنر کے وارنٹ گرفتاری جاری کرنے کی تنبیہ کی ۔ ڈائریکٹر لیگل سندھ فوڈ اتھارٹی عدالت میں پیش ہوئے۔
عدالت نے استفسار کیا کہ بتائیں، دودھ کی کوالٹی کون دیکھ رہا ہے؟ سندھ فوڈ اتھارٹی کے قانونی مشیرنے موقف دیا کہ ڈپٹی ڈائریکٹر دودھ کی کوالٹی کو چیک کرنے کے ذمے دار ہیں۔
عدالت نے استفسار کیا کہ دودھ کے معیار پر آپ کیا کر رہے ہیں۔ آپ چھاپے مار رہے ہوں گے مگر دودھ کا معیار تو ویسا ہی ہے۔ کیا آپ نے دودھ سے متعلق ایسوسی ایشن کو کال کی؟ ان سے پوچھیں کہ دودھ کا معیار اتنا خراب کیوں ہے؟
عدالت نے تنبیہ کی کہ اگر دودھ کا معیار بہتر نہ ہوا تو سندھ فوڈ اتھارٹی کے حکام ، کمشنر کراچی اور دیگر ذمے داروں کے خلاف توہین عدالت کی کارروائی شروع کریں گے، قیمت کے کنٹرول پر بھی توہین عدالت کی کارروائی کریں گے۔
عدالت نے کمشنر کراچی کو ذاتی حیثیت میں طلب کرتے ہوئے ہدایت کی کہ انہیں بتایا جائے، دودھ کے طے کردہ نرخ سے زائد قیمت پر وہ کیا کارروائی کر رہے ہیں۔ کمشنر کراچی 21 اکتوبر کو ریکارڈ سمیت پیش ہوں۔
عدالت نے سندھ فوڈ اتھارٹی کو بھی جامع جواب جمع کرانے کا حکم دیتے ہوئے کہا، بتایا جائے، دودھ کے معیار کو بہتر کرنے کے لیے کیا اقدامات کیے جا رہے ہیں۔ عدالت نے ڈائریکٹر لیگل سندھ فوڈ اتھارٹی کو آئندہ سماعت پر رپورٹ پیش کرنے کی ہدایت کرتے ہوئے سماعت 21 اکتوبر کے لیے ملتوی کردی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔