جاوید اختر کو مسلم خواتین کی فروخت کے ماسٹرمائنڈ کی حمایت مہنگی پڑگئی

ممبئی پولیس نے ’بلی بائی‘ ایپ کی ماسٹر مائنڈ کو گرفتار کرنے کا دعویٰ کر دیا ہے - فوٹو:فائل

---

مشہور شاعر اور نغمہ نگار جاوید اختر کو بھارت میں مسلم خواتین کو 'بلی بائی' ایپ کے ذریعے نیلامی کے لیے پیش کرنے والی مبینہ ماسٹر مائنڈ کے حق میں بولنا مہنگا پڑ گیا۔

این ڈی ٹی وی کی رپورٹ کے مطابق بھارت میں مسلم خواتین کو 'بلی بائی' ایپ کے ذریعے نیلامی یا فروخت کے لیے پیش کرنے کا انکشاف ہوا ہے۔ ممبئی پولیس نے متعدد شکایات پر ایپ کی 18 سالہ ماسٹر مائنڈ کو گرفتار کرنے کا دعویٰ کیا ہے۔

جاوید اختر نے سماجی رابطے کی ویب سائٹ ٹوئٹر پر اس حوالے سے ایک ٹوئٹ کیا جس پر شاعر و نغمہ نگار کے خلاف شدید تنقید شروع ہوگئی۔

انہوں نے اپنے ٹوئٹ میں لکھا 'بلی بائی' ایپ کی ماسٹر مائنڈ ایک 18 سالہ لڑکی ہے جو حال ہی میں کینسر اور کورونا وائرس کی وجہ سے اپنے والدین کھو بیٹھی ہے۔'

شاعر و نغمہ نگار نے مزید کہا 'میرا خیال ہے کہ نیلامی کے لیے پیش کی گئیں خواتین یا ان میں سے کچھ اس لڑکی سے ملاقات کریں اور اسے بڑوں کی طرح سمجھا کر پوچھیں کہ اس نے ایسا کیوں کیا۔ اسے اپنی ہمدردی کا یقین دلائیں اور اسے معاف کر دیں۔'

جاوید اختر اپنے اس ٹوئٹ کے بعد تنقید کی زد میں آگئے۔ ملاحظہ کیجیے:

You’re not a victim, and you will NOT tell us what to do. Is that clear?

— Saniya Sayed (@Ssaniya_) January 5, 2022

ثانیہ سید نامی صارف لکھتی ہیں 'آپ متاثرین میں سے نہیں ہیں لہٰذا آپ نہ ہی بولیں۔ کیا اب معاملہ حل ہوا؟'

Sir, if she lost her parent to covid, presumably because of govt mismanagement that took so many lives, then she should have been furious with the govt. How did that translate into auctioning women and becoming a criminal?

— Rohini Singh (@rohini_sgh) January 5, 2022

روہنی سنگھ نے لکھا 'جناب، اگر اس لڑکی کے والدین کورونا کی وجہ سے ہلاک ہوئے تو اس کی وجہ حکومت کی بدانتظامی ہے جس نے بہت سی جانیں لیں۔ اسے حکومت کے خلاف برہمی کا اظہار کرنا چاہیے۔ یہ خواتین کو فروخت کے لیے پیش کر کے خود ملزمہ کیوں کر بن گئی؟'

https://twitter.com/SidrahDP/status/1478612070107025411?s=20

سدرہ نامی نے لکھا کہ 'اگر آپ اپنے آپ کو واضح نہیں کرسکتے، بڑے سوالات اٹھانے کی استحقاق نہیں رکھتے اور احتساب کا مطالبہ نہیں کر سکتے تو برائے مہربانی یہ سب کہنا بند کر دیں۔ یہ کوئی غیر معمولی رویہ نہیں۔ یہ اکثریتی بنیاد پرستی ہے جس پر توجہ کی ضرورت ہے۔'

You should forgive Kangan Ranaut too! Why did you file a defamation case on her for insulting you?
Don't preach "forgiveness"when you have absolutely nothing to lose in this instance. The victims of this crime have the right to take any action they deem fit.
You Sit down.

— ProG (@Mrs_DoSoLittle) January 5, 2022

ایک اور ٹوئٹر صارف پرو جی نے کہا کہ 'آپ کو بھی کنگنا رناوت کو معاف کر دینا چاہیے۔ آپ نے اپنی بے عزتی کے لیے کنگنا رناوت کے خلاف ہتک عزت کا دعویٰ کیوں دائر کیا۔ ہمیں معافی کی نصیحت مت کریں جبکہ آپ خود اس معاملے میں ایسا نہیں کر رہے۔ نیلامی کے لیے پیش کی گئیں متاثرہ خواتین کو اس کے خلاف کارروائی کرنے کا حق ہے۔'