امریکا اور برطانیہ کا اپنے سفارت کاروں کے اہل خانہ کو یوکرائن چھوڑنے کا حکم

روس لے یوکرائن پر حملے کے خدشات بڑھ گئے ہیں، فوٹو: فائل

---

لاہور: روس سے جنگ کے خطرے کے پیش نظر امریکا اور برطانیہ نے اپنے سفارت کاروں کے اہل خانہ کو یوکرائن سے واپسی کا حکم دیا ہے۔

عالمی خبر رساں ادارے کے مطابق روس اور یوکرائن تنازع شدت پکڑتا جا رہا ہے۔ امریکا اور برطانیہ نے یوکرائن کے معاملے پر روس پر کڑی تنقید کی بھی ہے اور دفاعی حمایت کا اعلان بھی کیا ہے۔

روس کی جانب سے کسی کو بھی خاطر میں نہ لانے پر جنگ کا خدشہ بڑھ گیا ہے جس پر امریکا اور برطانیہ نے یوکرائن اور روس کے لیے نئی ٹریول ایڈوائزری جاری کی ہے۔

#Ukraine Some Embassy staff and dependants are being withdrawn from Kyiv in response to growing threat from Russia. The British Embassy remains open and will continue to carry out essential work. (see ’Summary' page) https://t.co/NDOk0vdKBg pic.twitter.com/OSm9fd89id

— FCDO Travel Advice (@FCDOtravelGovUK) January 24, 2022

امریکا نے یوکرائن میں اپنے سفارت کاروں کے اہل خانہ کو فوری طور پر واپس آنے کا حکم دیتے ہوئے سفارتی عملہ بھی کم کرنے کا عندیہ دیا ہے۔

امریکی وزارت خارجہ کے مطابق یوکرائن میں سفارتی عملہ کم کیا جا رہا ہے تاہم کسی سفارت کار کو واپس نہیں بلایا گیا البتہ کوئی رضاکارانہ طور پر اہل خانہ کے ہمراہ آنا چاہے تو اجازت ہوگی۔

اسی طرح برطانیہ نے بھی فوری طور پر یوکرائن میں موجود سفارت کاروں کے اہل خانہ کو ملک چھوڑنے کا حکم دیا ہے۔