مریم نواز سے متعلق عمران خان کے بیان پر خواجہ سعد رفیق کا ردعمل

 لاہور: وفاقی وزیر ریلوے خواجہ سعد رفیق نے مسلم لیگ (ن) کی نائب صدر مریم نواز سے متعلق پاکستان تحریک انصاف (پی ٹی آئی) کے چیئرمین عمران خان کے متنازع بیان پر کڑی تنقید کرتے ہوئے کہا ہے کہ مخالفین کی ماؤں بہنوں بارے بدکلامی کرنیوالا ننگ ِ وطن عمران وہ بدبخت ھے جس پر شیاطین اترتے ہپں۔

سماجی روابط کی ویب سائٹ ٹوئٹر پر خواجہ سعد رفیق نے عمران خان کو مخاطب کرکے کہا کہ تم یقیناً تباہی کی راہ پر ہو اور گواہ رہنا! یاد رکھنا ! تم گمراہی کے راستے پر ھو اور اسی راہ پر اپنے منطقی انجام تک پہنچو گے۔

مخالفین کی ماؤں بہنوں بارے بدکلامی کرنیوالا ننگ ِ وطن عمران وہ بدبخت ھے جس پر شیاطین اترتے ھیں

تم یقیناً تباھی کی راہ پر ھو

گواہ رھنا ! یاد رکھنا !تم گمراھی کے راستے پر ھو اسی راہ پر اپنے منطقی انجام تک پہنچو گے#بدزبان_بےلگام_عمران_خان

— Khawaja Saad Rafique (@KhSaad_Rafique) May 20, 2022