پاکستان قطر کے ساتھ اپنے برادرانہ تعلقات کو قدر کی نگاہ سے دیکھتا ہے آرمی چیف
جنرل قمر جاوید سے قطر فضائیہ کے کمانڈر میجر جنرل جاسم محمد احمد المنائی نے جی ایچ کیو میں ملاقات کی، آئی ایس پی آر
آرمی چیف جنرل قمر جاوید سے قطر فضائیہ کے کمانڈر میجر جنرل جاسم محمد احمد المنائی نے جی ایچ کیو میں ملاقات کی جس میں باہمی اور پیشہ ورانہ دلچسپی کے امور اور علاقائی سلامتی کی صورتحال پر تبادلہ خیال کیا گیا۔
پاک فوج کے شعبہ تعلقات (آئی ایس پی آر) کے مطابق آرمی چیف نے کہا کہ پاکستان قطر کے ساتھ اپنے برادرانہ تعلقات کو قدر کی نگاہ سے دیکھتا ہے۔
آرمی چیف نے کہا کہ پاک فوج قطر کی مسلح افواج کے ساتھ دفاعی اور سیکیورٹی تعاون بڑھانے کی خواہاں ہے۔ علاوہ ازیں قطر فضائیہ کے کمانڈر میجر جنرل جاسم محمد احمد المنائی نے پاکستان کی مسلح افواج کی پیشہ وارانہ مہارت کا اعتراف کیا۔