نایاب جانوروں کی اسمگلنگ میں ملوث دو بھارتی خواتین گرفتار

ویب ڈیسک  پير 4 جولائی 2022
فوٹو فائل

فوٹو فائل

بنکاک: بھارتی خواتین بڑے پیمانے پر نایاب رینگنے والے جانوروں کی اسمگلنگ کرتے ہوئے تھائی لینڈ کے بین الاقوامی ہوائی اڈے پر پکڑی گئیں۔

غیر ملکی میڈیا کے مطابق تھائی لینڈ کے دارالحکومت بنکاک کے انٹرنیشنل ایئرپورٹ پر دو خواتین کے سامان سے 100 سے زائد نایاب جانور برآمد ہوئے جنہیں بھارت اسمگلر کیا جارہا تھا۔

محکمہ جنگلی حیات تھائی لینڈ کا کہنا ہے کہ جانوروں کی مالیت دو لاکھ تھائی بہات تقریباً 12 لاکھ روپے پاکستانی ہے۔

بھارتی شہریوں کے سامان سے برآمد ہونے والی جنگلی حیات میں 35 کچھوے، 20 سانپ، 50 گرگٹ، 2 آئیگوناز، کانٹو والے دو چوہے اور دو آرمیڈیلوز شامل ہیں۔

تھائی حکام کا کہنا ہے کہ دونوں آئیگوناز مردہ حالت میں پائے گئے جب کہ دیگر رینگنے والے جانوروں میں ڈی ہائیڈریشن کی علامت پائی گئیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔