صحافت اور صحافی حکومت کے نشانے پر ہیں، شیخ رشید

معیشت ہی قومی سلامتی کی ضامن ہوتی ہے، ملک ڈیفالٹ ہونے جا رہا ہے، سابق وزیر داخلہ

ویب ڈیسک جمعرات 7 جولائی 2022

17 جولائی کا ضمنی الیکشن فیصلہ کن ہوگا۔، سربراہ عوامی مسلم لیگ

راولپنڈی: سابق وزیر داخلہ شیخ رشید احمد نے کہا ہے کہ صحافت اور صحافی حکومت کے نشانے پر ہیں۔

عوامی مسلم لیگ کے سربراہ نے ٹوئٹر پر جاری اپنے بیان میں کہا کہ مہنگائی کا سونامی آ چکا ہے۔ ملک آئی ایم ایف کے نرغے میں ہے۔ بجلی، گیس، پٹرول، مہنگائی کے ماروں کو حکمرانوں کے گریبانوں تک لے کر جائے گا۔

شیخ رشید نے مزید کہا کہ معیشت ہی قومی سلامتی کی ضامن ہوتی ہے۔ ملک ڈیفالٹ ہونے جا رہا ہے۔ صحافت اور صحافی حکومت کے نشانے پر ہیں۔ 17 جولائی کا ضمنی الیکشن فیصلہ کن ہوگا۔