نشے سے پاک پشاور مہم 8 سال بعد بیٹا والدین کو مل گیا

آزاد کشمیر کا سرفراز نشے کی لت میں مبتلا تھا اور 8 سال قبل گھر بار چھوڑ کر پشاور چلا گیا تھا

---

نشے سے پاک پشاور مہم نے آزاد کشمیر سے تعلق رکھنے والے سرفراز کو خاندان سے ملوا دیا۔

ضلعی انتظامیہ کے مطابق سرفراز نشے کی لت میں مبتلا تھا اور 8 سال قبل گھر بار چھوڑ کر پشاور کارخانو کے علاقے میں منتقل ہوا تھا۔ گھر والے سرفراز کو ڈھونڈتے ڈھونڈتے تھک ہار کر مایوس ہوگئے۔

نشے کے عادی افراد کی بحالی کے لیے پشاور میں قائم الخدمت بحالی مرکز میں صبح سویرےورزش کے مناظر۔
آپ کے تعاون سے الخدمت سینکڑوں زندگیاں بدل رہی ہے۔#Alkhidmat pic.twitter.com/P284cbtSQy

— Alkhidmat Foundation Pakistan (@AlkhidmatOrg) June 8, 2022

سرفراز کے خاندان نے گزشتہ دن اسے ٹی وی پر دیکھ کر ضلعی انتظامیہ سے رابطہ کیا، تو اپنے بیٹے کے بارے میں پتہ چلتے ہی ان کی خوشی کا ٹھکانہ نہ رہا۔ ضلعی انتظامیہ نے بتایا کہ سرفراز کے والدین اب اس سے ملنے کے لئے پشاور آرہے ہیں۔

کے پی حکومت کی اس مہم میں نشے کے عادی افراد کا سرکاری سطح پر علاج کیا جا رہا ہے اور انہیں فلاحی تنظیموں کے بحالی مراکز اور ہسپتالوں میں داخل کیا گیا ہے جہاں ان کے علاج کے ساتھ ساتھ انھیں بہتر شہری بنانے کے لیے اقدامات بھی کیے جا رہے ہیں۔