نسیم شاہ پاکستانی ٹیم کا ہیرا ہے بھارتی اداکارہ سربھی جیوتی

اداکارہ نے اپنی ٹوئٹ میں نسیم شاہ کا ہیش ٹیگ بھی استعمال کیا ہے۔ فوٹو: ٹوئٹر

---

اروشی روٹیلا کے بعد بھارتی اداکارہ سُربھی جیوتی بھی پاکستانی بولر نسیم شاہ کی تعریف کیے بغیر نہ رہ سکیں۔

ٹوئٹر پر جاری بیان میں سُربھی جیوتی نے لکھا ہے کہ پاکستان کو نسیم شاہ کی صورت میں یقینی طور پر ایک ہیرا مل گیا ہے۔

اداکارہ نے اپنی ٹوئٹ میں نسیم شاہ کا ہیش ٹیگ بھی استعمال کیا ہے۔

Pakistan has definitely got a gem...#NaseemShah 💯#AsiaCup2022

- Surbhi Jyoti (@SurbhiJtweets) September 7, 2022

واضح رہے کہ افغانستان کے خلاف میچ میں نسیم شاہ نے افغان بولر فضل حق فاروقی کو آخری اوور میں دو چھکے مار کر ہاری ہوئی بازی پلٹ دی تھی اور پاکستان میچ ایک وکٹ سے جیت کر ایشیا کپ کے فائنل میں پہنچ گیا ہے۔

قبل ازیں بھارتی اداکارہ اور ماڈل گرل اروشی روٹیلا کی جانب سے بھی نسیم شاہ کی ویڈیو اسٹوری پوسٹ کی گئی تھی۔

اروشی روٹیلا نے ایک فین پیچ سے شیئر کی گئی ایڈٹ ویڈیو کو انسٹاگرام اسٹوری پر شیئر کیا جس سے بظاہر یہ تاثر پھیلا کہ بھارتی اداکارہ بھی فاسٹ بولر نسیم شاہ سے متاثر ہیں۔