زوریز ملک اور ماڈل علیزے گبول کے ہاں ننھے مہمان کی آمد

ویب ڈیسک  جمعـء 23 ستمبر 2022
 علیزے گبول اور ملک زوریز 2021ء کے آغاز میں رشتہ ازدواج میں منسلک ہوئے تھے(فائل فوٹو)

علیزے گبول اور ملک زوریز 2021ء کے آغاز میں رشتہ ازدواج میں منسلک ہوئے تھے(فائل فوٹو)

کراچی: پاکستان کی معروف ماڈل علیزے گبول اور زوریز ملک کے ہاں پہلے بچے کی پیدائش ہوئی ہے۔

ماڈل و اداکارہ علیزے گبول اورزوریز ملک کے ہاں پہلے بچے کی ولادت ہوئی ہے جس کی خوشخبری زوریز ملک نے انسٹاگرام اسٹوری پر دوستوں اور مداحوں کے ساتھ  شیئر کی ہے۔


تصویر میں زوریز کو اپنے نومولود بچے کا بوسہ لیتے دیکھا جا سکتا ہے، کچھ عرصہ قبل ہی ملک زوریز نے اپنے انسٹا گرام اسٹوری پر فالوورز کو خوشخبری سُناتے ہوئے بتایا تھا کہ’وہ اور اُن کی اہلیہ جَلد والدین بننے جا رہے ہیں‘۔

یاد رہے کہ ماڈل و اداکارہ علیزے گبول اور ملک زوریز 2021ء کے آغاز میں رشتہ ازدواج میں منسلک ہوئے تھے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔