یونی سائیکل پر 68 کلو وزنی باربیل اٹھانے کا عالمی ریکارڈ

ویب ڈیسک  ہفتہ 1 اکتوبر 2022
(تصویر: گینیز ورلڈ ریکارڈ)

(تصویر: گینیز ورلڈ ریکارڈ)

ایڈن برگ: ایک اسکاٹش ایتھلیٹ نے یونی سائیکل(ایک پہیے والی سائیکل) پر سوار ہو کر 68 کلو وزنی باربیل سر سے اوپر اٹھا کر گینیز عالمی ریکارڈ اپنے نام کرلیا۔

ایڈن برگ سے تعلق رکھنے والے 34 سالہ جوش اولڈ کا کہنا تھا کہ یونی سائیکل پر سوار ہو کر بار بیل کے ذریعے سر سے اوپر سب سے زیادہ وزن اٹھانے کا آفیشل ریکارڈ اب ان کے نام ہے۔

جوش اولڈ، جو پیشہ ور یونی سائیکلسٹ اور ایک ٹی وی سیریز ننجا واریئر میں کوچ ہیں، کا کہنا تھا کہ انہوں نے خود کو کووڈ کی عالمی وباء کے دوران یہ سِکھایا کہ اپنی دونوں عادات یعنی ایک پہیے والی سائیکل چلانا اور ویٹ لفٹںگ کو کس طرح یکجا کیا جاسکتا ہے۔

انہوں نے کہا کہ یہ ریکارڈ بنانے میں کامیاب ہونے سے قبل ان کو اس کی تیاری میں تقریباً 6 ہفتے لگے تھے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔