ہائی پروفائل ریفرنسز کی پیروی کرنے والے نیب کراچی کے 2 پراسیکیوٹرز مستعفی

اسٹاف رپورٹر  ہفتہ 1 اکتوبر 2022
فوٹو فائل

فوٹو فائل

 کراچی: ہائی پروفائل ریفرنس کی پیروی کرنے والے نیب کراچی کے 2 سینئر ترین پراسیکیوٹرز نے عہدوں سے استعفیٰ دے دیا۔

ذرائع کے مطابق نیب پراسیکیوٹر ریاض عالم اور شہباز سہوترا نے اپنے استعفے نیب ہیڈکوارٹر ارسال کردیئے۔ جس میں سے ریاض عالم کا استعفیٰ منظور کرلیا گیا۔

دونوں پراسیکیوٹرز احتساب عدالتوں اور سندھ ہائیکورٹ میں انتہائی ہائی پروفائل ریفرنسز کی پیروی کررہے تھے۔ جن میں ڈاکٹر عاصم حسین، شرجیل میمن، سراج درانی سمیت اہم ترین ریفرنسز شامل تھے۔

ذرائع کے مطابق دونوں پراسیکیوٹرز 4 سال سے نیب میں فرائض انجام دے رہے تھے۔ دونوں پراسیکیوٹرز نے استعفوں کی تصدیق کردی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔