شطرنج کے عالمی چیمپئین بننے والے بھارت کے ڈی گوکیش نے جمعرات کو چینی کھلاڑی کو شکست دیکر کم عمر ترین چیمپئین بننے کا اعزاز حاصل کیا تھا۔
گوکیش نے سنگاپور میں ورلڈ چمپئن شپ ٹائی کا 14 واں اور آخری کلاسیکل گیم جیت کر دفاعی چیمپئن ڈنگ لیرین کو 7.5-6.5 سے شکست دی تاہم چینی پلئیر پر جان بوجھ کر ہارنے کا الزام عائد ہورہا ہے۔
بھارت کیلئے ڈی گوکیش نے وشواناتھن آنند کے بعد یہ اعزاز حاصل کرنے والے دوسرے ہندوستانی ہیں۔
عالمی شطرنج چیمپئین شپ جیتنے پر گوکیش کو کتنی انعامی رقم ملے گی؟
ورلڈ شطرنج چیمپئین شپ کے ہر کھیل میں جیت کی قیمت 2 لاکھ ڈالر (یعنی پاکستانی روپوں میں 5 کروڑ 55 لاکھ سے زائد) روپے بنتی ہے۔
مزید پڑھیں: شطرنج چیمپئن شپ: چینی کھلاڑی پر بھارت سے جان بوجھ کر فائنل ہارنے کا الزام
ڈی گوکیش نے 3 مقابلوں میں فتح سمیٹی اور مجموعی طور پر 6 لاکھ ڈالر (یعنی پاکستانی رپوں میں 16 کروڑ 65 لاکھ سے زائد) رقم ملی۔ اسی طرح چینی پلئیر ڈنگ لیرن نے 2 مقابلے جیتے اور 4 لاکھ ڈالر (یعنی پاکستانی روپوں میں 11 کروڑ سے زائد) رقم ملے گی۔
بقیہ 1.5 ملین ڈالر کی انعامی رقم دونوں حریفوں کے درمیان یکساں طور پر تقسیم کی جائے گی۔
قبل ازیں وشواناتھن آنند نے اعتراف کیا تھا کہ گوکیش سے ٹائٹل گھر لے جانے کی توقع نہیں رکھتے تھے لیکن انہوں نے مجھے غلط ثابت کیا۔