بین الاقوامی مارکیٹ میں سونے کی قیمتوں میں اضافے کے بعد مقامی صرافہ بازاروں میں بھی سونے کی قیمتوں کو پر لگ گئے۔

ایکسپریس نیوز کے مطابق انٹرنیشنل گولڈ مارکیٹ میں سونے کی فی اونس قیمت میں 11 ڈالر کا اضافہ ہوا ہے جس کے بعد قیمت 1818 ڈالرز فی اونس کی سطح پر آگئی ہے۔

عالمی منڈی میں اضافے کے بعد مقامی بازاروں میں بھی فی تولہ سونے کی قیمت میں 1500 روپے کے اضافے کے بعد 1 لاکھ 84 ہزار 100 روپے ہوگئی جب کہ دس گرام سونے کی قیمت 1286 روپے بڑھ کر 1 لاکھ 57 ہزار 836 روپے کی سطح پر آگئی۔