ویرات کوہلی ریپر بن گئے، ’نیا شیر‘ گانا گا دیا

ویب ڈیسک  ہفتہ 7 جنوری 2023
میدان میں اور میدان سے باہر دلیرانہ فیصلے کرنے سے نہیں ڈرتا، ویرات کوہلی:فوٹو:فائل

میدان میں اور میدان سے باہر دلیرانہ فیصلے کرنے سے نہیں ڈرتا، ویرات کوہلی:فوٹو:فائل

 ممبئی: بھارت کے سابق کپتان ویرات کوہلی ریپر بن گئے۔ مشہور گلوکاروں کے ساتھ گانا گا دیا۔

بھارتی میڈیا رپورٹس کے مطابق بھارتی اسٹار کرکٹر ویرات کوہلی کا نیا ٹیلنٹ سامنے آگیا۔ کوہلی نے ریپرز ڈیوائن اور جونیتا گاندھی کے ساتھ مل کر گانا ’ نیا شیر‘ گایا۔ویرات کوہلی نے گانے کی ویڈیو میں دونوں فنکاروں کے ساتھ مل کر ڈانس بھی کیا۔

ویرات کوہلی نے گانا گانے سے متعلق بیان میں کہا کہ میں ایک کھلاڑی ہوں جو میدان میں اور میدان سے باہردلیرانہ فیصلے کرنے سے کبھی نہیں ہچکچاتا ۔ میں اس رویے کو جاری رکھوں گا کیونکہ اسی رویے کے باعث میں آج اس مقام پر ہوں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔