کیا پی سی بی ورلڈکپ تک شاہد آفریدی کو سیلکٹر بنانے پر غور کررہا ہے؟

ویب ڈیسک  منگل 10 جنوری 2023
زیادہ عرصے عہدے پر نہیں ہوں تاہم انصاف سے فیصلے کرنا چاہتا ہوں، شاہد آفریدی (فوٹو: اسکرین شارٹ)

زیادہ عرصے عہدے پر نہیں ہوں تاہم انصاف سے فیصلے کرنا چاہتا ہوں، شاہد آفریدی (فوٹو: اسکرین شارٹ)

  کراچی: پاکستان کرکٹ بورڈ (پی سی بی) بھارت میں شیڈول آئی سی سی مینز کرکٹ ورلڈکپ تک عبوری سلیکشن کمیٹی کے سربراہ شاہد آفریدی کو سیلکٹر بنانے پر غور کررہا ہے۔

میڈیا رپورٹس میں انکشاف ہوا ہے کہ پاکستان کرکٹ بورڈ (پی سی بی) شاہد آفریدی کو ورلڈکپ تک چیف سلیکٹر بنانے پر غور کررہا ہے تاہم کرکٹر اس ذمہ داری کو نبھانے کیلئے رضامند نہیں۔

رپورٹ میں کہا گیا ہے کہ شاہد آفریدی نیوزی لینڈ کے خلاف تین میچوں پر مشتمل سیریز کے بعد سلیکشن کمیٹی کے عہدے کو خیرباد کہہ دیں گے کیونکہ وہ اپنی توجہ گراس روٹ لیول پر کھلاڑیوں کو نکھانے اور چیرٹی کاموں پر مرکوز رکھنا چاہتے ہیں۔

مزید پڑھیں: متعصب بھارتی میڈیا کا اپنے سیلکٹرز کو شاہد آفریدی سے سبق لینے کا مشورہ

اس سے قبل بھی نیوزی لینڈ کے خلاف قومی اسکواڈ کے اعلان پر پریس کانفرنس میں کہا تھا کہ وہ زیادہ عرصے عہدے پر نہیں رہیں گے اور کوشش ہے کہ جتنا عرصے ہوں انصاف سے فیصلے کرسکوں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔