گوجرانوالہ: 10 سالہ بچے نے غیرت کے نام پر ماں کی جان لے لی

ویب ڈیسک  بدھ 1 فروری 2023
پولیس کے مطابق واقعہ تھانہ سیٹلائٹ ٹاون کے علاقے میں پیش آیا (فوٹو فائل)

پولیس کے مطابق واقعہ تھانہ سیٹلائٹ ٹاون کے علاقے میں پیش آیا (فوٹو فائل)

گوجرانوالا: 10  سالہ بچے نے غیرت کے نام پر ماں کو  موت کے گھاٹ اتار دیا۔

پولیس کے مطابق افسوسناک واقعہ تھانہ سیٹلائٹ ٹاون کے علاقے میں پیش آیا، بچہ برقعہ پہن کر آیا اور ماں کا پیچھا کرکے گلی میں فائرنگ کا نشانہ بنایا، فائرنگ سے ایک راہگیر خاتون بھی زخمی ہوئی جسے سول اسپتال منتقل کردیا گیا ہے۔

پولیس کا کہنا ہے کہ مقتولہ نادیہ نے تنسیخ نکاح کا دعویٰ دائر کر رکھا تھا۔ ملزم بچے سجاول نے غیرت کے نام پر ماں کو قتل کیا۔

پولیس کے مطابق ملزم بچے نے پولیس پر بھی فائرنگ کی جس سے اہلکاروں کی جان بمشکل بچی۔ پولیس نے بچے کو گرفتار کرکے اسلحہ برآمد کرلیا، ملزم سے مزید تفتیش جاری ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔