پاکستان میں اس سال بھی آم کی فصل متاثر پیداوار میں 20 فیصد کمی

موسمیاتی تبدیلیوں کے اثرات کی وجہ سے پیداوار 14 لاکھ 40 ہزار میٹرک ٹن تک محدود رہے گی۔

---

پاکستان میں آم کی فصل کو اس سال بھی موسمیاتی تبدیلیوں کے اثرات کا سامنا ہے.

سرپرست اعلیٰ فروٹ اینڈ ویجیٹیبل ایکسپورٹرز (پی ایف وی اے) وحید احمد کے مطابق موسمیاتی تبدیلیوں کے اثرات کی وجہ سے پیداوار 20 فیصد کمی سے 14 لاکھ 40 ہزار میٹرک ٹن تک محدود رہے گی۔

انہوں نے کہا کہ موسمیاتی اثرات کی وجہ سے پیداوار کم ہونے کے ساتھ باغات میں بیماریوں سے مقابلہ کرنے کی صلاحیت کم ہوئی ہے۔

ان کا کہنا تھا کہ رواں سیزن آم کی ایکسپورٹ کا ہدف ایک لاکھ پچیس ہزار میٹرک ٹن مقرر کیا گیا ہے، آم کی ایکسپورٹ 20 مئی سے شروع ہوگی، جس سے پاکستان کو 10 کروڑ ڈالر کا زرمبادلہ حاصل ہوگا۔