سابق صدر باراک اوباما سمیت 500 امریکیوں کے روس میں داخلے پر پابندی

امریکا نے روس کی مزید کمپنیوں اور افراد پر پابندیاں عائد کی ہیں:فوٹو:فائل

---

روس نے امریکا کے سابق صدر باراک اوباما سمیت 500 امریکیوں کے ملک میں داخلے پر پابندی عائد کردی۔

روس کی وزارت خارجہ کی جانب سے جاری بیان میں کہا گیا ہے کہ بائیڈن انتظامیہ مسلسل روس پر پابندیاں عائد کر رہی ہے۔ سابق امریکی صدر براک اوباما سمیت 500 امریکیوں پر ملک میں داخلے پر پابندی روس مخالف اقدامات کا ردعمل ہے۔ امریکا کو یہ بات بہت پہلے سمجھ لینا چاہیے تھی کہ ہمارے خلاف کیے گیے ہر اقدام کا بھرپور جواب دیا جائے گا۔

امریکا نے گزشتہ روز روس کی سیکڑوں کمپنیوں اور افراد کو پابندی کی فہرست میں شامل کیا تھا۔ امریکا کا کہنا ہے کہ پابندیاں روس کی یوکرین کیخلاف جارحیت کا رد عمل ہیں۔