کیمرون میں بدمست ہاتھیوں کا ریوڑ دیہات میں داخل 2 افراد کو کچل دیا

ہاتھیوں نے دو افراد کو کچل کر ہلاک کردیا: فوٹو: فائل

---

وسطی افریقی ملک کیمرون میں ہاتھیوں کے ایک ریوڑ نے دیہات میں گھس کر بڑے پیمانے پر تباہی مچا دی جس کے نتیجے میں دو افراد ہلاک اور کئی گھر تباہ ہوگئے۔

عالمی خبر رساں ادارے کے مطابق کیمرون کے دارالحکومت مارووا کے ایک دیہات میں 4 ہاتھی داخل ہوگئے جنھوں نے ایک بچے کو کچل کر ہلاک کردیا اور املاک کو شدید نقصان پہنچایا۔

ہاتھیوں کو بھگانے کے لیے مشتعل ہجوم نے شور شرابہ کیا جس سے ہاتھی بدک گئے اور ہجوم پر چڑھ دوڑے۔ ایک اور شخص ہاتھیوں کے قدموں تلے کچل کر ہلاک ہوگیا جب کہ متعدد زخمی ہوگئے۔

Les éléphants en villégiatures dans les rues de Maroua à l'extrême Nord du Cameroun. #Teleasu https://t.co/Xth9iyVw6U pic.twitter.com/jdMUbl29Wj

— Télé'Asu, Connectés - Informés - Concernés (@TeleAsuOfficiel) May 24, 2023

بعد ازاں وائلڈ لائف کے اہلکاروں نے ہاتھیوں کے ریورڈ کو شہری آبادی سے نکال کر دوبارہ جنگل کی طرف دھکیلا تاہم ہاتھیوں کے دوبارہ دیہات میں داخل ہونے کے امکانات کے پیش نظر دیہاتیوں کو تربیت دینے کا فیصلہ کیا گیا ہے۔

یاد رہے کہ ایک اندازے کے مطابق تیزی سے معدوم ہوتے ہاتھیوں کی تعداد کیمرون میں اس وقت 6 ہزار 830 ہے۔ ہاتھیوں کو بچانے کی کوششوں کے باعث گزشتہ برسوں میں ان کی تعداد میں اضافہ ہوا لیکن یہ اب بھی ناکافی ہے۔