تحریک انصاف کے سابق ایم پی اے 9 مئی مقدمے میں گرفتار

عمر تنویر بٹ نے خود کو عدالت میں سرنڈر کیا تھا (فوٹو: اسکرین گریب)

---

پی ٹی آئی کے سابق رکن صوبائی اسمبلی کو 9 مئی مقدمے کے سلسلے میں گرفتار کرلیا گیا۔

تھانہ سٹی پولیس نے پاکستان تحریک انصاف کے سابق ایم پی اے عمر تنویر بٹ کو انسداد دہشت گردی عدالت سے حراست میں لیتے ہوئے سانحہ 9 کے حوالے سے تھانہ سٹی میں درج مقدمے میں گرفتاری ڈال دی۔

 

راولپنڈی سے نوجوان MPA عمر تنویر بٹ نے بھی کورٹ میں سرنڈر کر دیا۔۔۔

جس سیاست میں عمران خان نہیں ہے ، ایسی سیاست کرنے کا کوئی فایدہ نہیں۔۔ pic.twitter.com/n3yVZYdoc7

- Waqas Amjad ( محترم ) (@waqas_amjaad) December 14, 2023

پاکستان تحریک انصاف کے سابق رکن صوبائی اسمبلی عمر تنویر بٹ اپنے وکلا ساتھ عبوری ضمانت کے لیے عدالت میں پیش ہوئے اور درخواست دائر کرتے ہی خود کو عدالت کے سامنے سرنڈر کر دیا۔

جج ملک اعجاز آصف نے سرنڈر کرنے پر عبوری ضمانت ڈسپوز آف کر دی ۔ سابق ایم پی اے نے اس موقع پر کہا کہ سانحہ 9 مئی کی چیئرمین سمیت پوری پارٹی مذمت کر چکی امید ہے، ہمیں انصاف ملے گا۔ اس کیس میں اشتہاری کیا گیا، اب سرنڈر کر دیا ہے۔ انہوں نے کہا کہ تحریک انصاف کے ٹکٹ ہی پر الیکشن لڑوں گا ۔