صادق آباد پولیس کا غیرملکی سیاحوں سے ہتک آمیز سلوک ویڈیو وائرل

اے ایس آئی صادق آباد اطالوی سیاح کو تشدد کا نشانہ بناتے ہوئے (فوٹو : ویڈیو اسکرین گریب)

---

صادق آباد پولیس کی جانب سے غیرملکی سیاحوں سے ہتک آمیز سلوک کیا گیا، تھپڑمارا گیا اور گالیاں دی گئیں جس کی ویڈیو وائرل ہوگئیں، عوام نے پولیس والوں کے خلاف سخت کارروائی کا مطالبہ کردیا، دوسری جانب پولیس نے ہتک آمیز رویے کی تردید کردی۔

ایکسپریس نیوز کے مطابق پنجاب کے علاقے صادق آباد میں قومی شاہراہ کے قریب مقامی ہوٹل پر یہ واقعہ پیش آیا جو کہ ملکی بدنامی کا سبب بنا، تھانہ صدر صادق آباد کے اے ایس آئی لیاقت علی نے اٹلی کے سیاح سے ہتک آمیز سلوک کیا، اے ایس آئی لیاقت علی نے غیرملکی سیاح کو تھپڑ بھی مارا جو ویڈیو میں ریکارڈ ہوگیا۔

موجودہ حالات میں پاکستان آنے کے لئے خود پاکستانی بھی تیار نہیں، اور اگر اس دوران اگر کوئی غیر ملکی سیاح بھولے سے پاکستان کا رخ کر ہی لیتا ہے تو خدارا ان کی عزت کیجئے!

اٹلی، برطانیہ اور ایران سے سائیکلوں پر پاکستان آنے والے تین سیاحوں پر پنجاب پولیس کا تشدد۔ صادق آباد سے رحیم... pic.twitter.com/0pPp9SzMYk

- الف نگری (@alifnagri) January 30, 2024

غیرملکی سیاحوں میں اٹلی، ایران کے سیاح شامل ہیں، ایک خاتون سیاح بھی ساتھ ہے، واقعہ کے بعد سیاحوں نے صادق آباد کے قریب بائی پاس پر اپنا سفر روک کر دھرنا دے دیا تھا۔

صادق آباد میں غیر ملکی سیاح کے ساتھ پنجاب پولیس کا رویہ۔۔۔ @OfficialDPRPP pic.twitter.com/M6g65NgoZk

- Islamabad Updates (@IslamabadViews) January 29, 2024

غیرملکی خاتون سیاح نے الزام عائد کیا ہے کہ پولیس اہل کاروں نے گن نکال کر مجھے شوٹ کرنے کی کوشش کی جس کو ہم نے ریکارڈ بھی کیا۔

پولیس کا کہنا ہے کہ دو روز قبل 3 غیرملکی سیاح سندھ سے کوٹ سبزل چیک پوسٹ سے رحیم یارخان میں داخل ہوئے، اٹلی کے سیاح ایلکس دو دیگر غیر ملکی افراد کے ساتھ پاکستان کے وزٹ پر ہیں، ایس او پیز کے مطابق سیاحوں کو سیکیورٹی دی لیکن انہوں نے سیکیورٹی لینے سے انکارکردیا، غیرملکی سیاحوں کی جانب سے اے ایس آئی لیاقت کی آنکھوں میں اسپرے کیمیکل پڑنے پر مذکورہ اے ایس آئی کا پاؤں کیمرے پر لگنے کی ویڈیو بنی اور وائرل ہوگئی،

دوسری جانب افسران نے واقعے کا نوٹس لیا ہے، تھانہ صدر صادق آباد میں تعینات اے ایس آئی کو معطل کرکے محکمانہ کارروائی شروع کردی گئی۔

"آپ نے سوشل میڈیا پر غیر ملکی سیاحوں کی جانب سے ایک وائرل ویڈیو دیکھی ہے۔ یہ تین سیاح سندھ سے پنجاب میں داخل ہو رہے تھے جن کے متعلق سندھ پولیس نے ہمیں آگاہ کیا۔ موجودہ صورتحال اور علاقائی حالات کے پیش نظر پنجاب پولیس نے انہیں سکیورٹی دینا چاہی۔ انکار پر اے ایس پی صادق آباد اور اے... pic.twitter.com/WN3dJ1BEnX

- Punjab Police Official (@OfficialDPRPP) January 29, 2024

دوسری جانب پولیس نے واقعے کی تردید بھی کی ہے اور کہا موقف اپنایا ہے کہ وہ سیاحوں کو سیکیورٹی دے رہے تھے جو وہ لے نہیں رہے تھے۔ عوام نے پولیس کے اس ویڈیو بیان پر سخت تنقید کرتے ہوئے اور جلے پر نمک کے برابر قرار دیا اور مطالبہ کیا کہ ملک کو بدنام کرنے والے ایسے سیکیورٹی اہل کاروں کے خلاف سخت کارروائی کی جائے انہیں نوکریوں سے برطرف کیا جائے۔