- ناروے،آئرلینڈ اور اسپین نے فلسطین کو باضابطہ طور پر ایک ریاست تسلیم کرلیا
- نان فائلرز کی سمز بلاک کرنے کا حکومتی فیصلہ بدستور نافذالعمل ہے، اسلام آباد ہائیکورٹ
- کرغزستان معاملے پر انکوائری کمیٹی تشکیل دینے کا فیصلہ کیا ہے، نائب وزیراعظم
- سونے کی قیمت میں عالمی اور مقامی سطح پر مسلسل دوسرے روز کمی
- کرکٹ آسٹریلیا نے سابق کپتان وسیم اکرم کو ملٹی کلچرل ایمبیسڈر مقرر کردیا
- ایرانی صدر ابراہیم رئیسی و دیگر کی نمازِ جنازہ ادا، رقت آمیز مناظر
- ژوب میں ایک ماہ میں فورسز کے آپریشن میں 29 دہشتگرد ہلاک، آئی ایس پی آر
- سیاسی و کور کمیٹی کے بعد مجھے باقی کسی چیز سے بھی نکالنا ہے تو نکال دیں، شیرافضل
- کچے میں ڈاکوؤں کے چنگل سے 2 پولیس اہلکار بازیاب
- ٹی20 ورلڈکپ؛ آئی سی سی ایک مرتبہ پھر بھارت کی مدد کو آگیا! مگر کیسے؟
- لاہور ورچوئل تھانہ؛ اسکول جانے والی بچیوں کو تنگ کرنے والا اوباش لڑکا گرفتار
- سی ٹی ڈی افسران کے اثاثوں کی تحقیقات کا فیصلہ
- پی ٹی آئی سیکرٹری اطلاعات رؤف حسن پر حملے کا مقدمہ درج
- راولپنڈی میں پولیس اہلکار کی اپنی رشتے دار 14 سالہ یتیم طالبہ سے زیادتی
- ملک میں بجلی کا شارٹ فال 5 ہزار845 میگاواٹ ہوگیا، 12 گھنٹے کی لوڈشیڈنگ
- ٹی20 ورلڈکپ سے قبل امریکا نے بنگلادیش کو اَپ سیٹ کردیا
- کے الیکٹرک نے ہٹ دھرمی اور بے حسی کی تمام حدیں توڑ دیں، ایم کیو ایم
- لنکن پریمئیر لیگ؛ فرنچائزز نے 7 پاکستانی کھلاڑیوں کی خدمات حاصل کرلیں
- ہتک عزت قانون واپس پنجاب اسمبلی بھیجنے کیلیے مراسلہ گورنر کو ارسال
- وزیراعظم ایرانی صدر، وزیرخارجہ کی تعزیت کے لیے ایران روانہ
میرے الفاظ کو توڑ مروڑ کر پیش نہ کریں، عمران عباس سوشل میڈیا پیجز پر برس پڑے
اسلام آباد: پاکستانی شوبز انڈسٹری کے معروف اداکار عمران عباس نے شدید غصے کا اظہار کرتے ہوئے سوشل میڈیا پیجز سے پوچھا ہے کہ آپ کے پاس رمضان کے مہینے میں بے بنیاد افواہیں پھیلانے کے علاوہ کوئی دوسرا کام نہیں؟
گزشتہ روز سوشل میڈیا پر عمران عباس کی ایک پوسٹ وائرل ہوئی تھی جس میں اُنہوں نے کہا تھا کہ کیا اُن لوگوں کا عُمرہ قبول ہوگا جو دوسروں کے پیسے لیکر بھاگے ہوئے ہیں اور خانہ کعبہ سے اپنی تصاویر پوسٹ کررہے ہیں۔
یہ پوسٹ جیسے ہی وائرل ہوئی تو سوشل میڈیا کے مختلف پیجز پر دعویٰ کیا گیا کہ پاکستانی پروڈیوسر نے عمران عباس کے پیسے نہیں دیے اور اب انہی پیسوں سے وہ عُمرہ ادا کررہے ہیں۔
سوشل میڈیا پر جھوٹے دعووں سے تنگ آکر بالآخر عمران عباس نے بھی خاموشی توڑ دی، اداکار نے اپنی انسٹاگرام اسٹوری میں جاری کیے گئے بیان میں کہا کہ یہ دیکھ کر بہت مایوسی ہوتی ہے کہ کس طرح کچھ لوگ ہمارے الفاظ کو توڑ مروڑ کر ایسے منظر ناموں کو گھڑتے ہیں جن کی حقیقت میں کوئی بنیاد نہیں ہوتی۔
عمران عباس نے پوچھا کہ کیا آپ کے پاس رمضان کے مہینے میں منفی اور بے بنیاد افواہوں کو پھیلانے کے علاوہ کوئی دوسرا کام نہیں؟ کیا آپ نے کبھی غور کیا ہے کہ آپ کسی انسان پر ایسے کاموں کے جھوٹے الزام لگا رہے ہو جو اُس نے کبھی کیے ہی نہیں۔
اداکار نے وضاحت دیتے ہوئے کہا کہ پہلی بات یہ ہے کہ میری بھی میڈیا انڈسٹری سے باہر کی زندگی ہے اور میری پوسٹ میں جس فرد/کمپنی کا ذکر کیا گیا ہے، وہ یقینی طور پر اس شعبے سے منسلک نہیں ہے۔
اُنہوں نے کہا کہ میں شکر گزار ہوں کہ اس انڈسٹری میں کسی پروڈکشن ہاؤس یا پروڈیوسر نے میرے کوئی پیسے نہیں کھائے، میری خوش قسمتی ہے کہ میں نے ہمیشہ ایماندار پروڈیوسرز کے ساتھ کام کیا ہے، میری ادائیگیاں ہمیشہ کسی بھی شوٹنگ کے اختتام سے پہلے اچھی طرح سے طے پا جاتی ہیں۔
عمران عباس نے مزید کہا کہ یہ ناگوار بات ہے کہ سوشل میڈیا کے کچھ پیجز نے غلط طریقے سے میری پوسٹ کو کسی ایسے شخص سے جوڑ دیا جو بروقت ادائیگیوں کے لیے مشہور ہیں اور مجھے اپنی فیملی کی طرح سمجھتے ہیں۔
واضح رہے کہ گزشتہ دنوں معروف پروڈیوسر عبداللہ کادوانی نے اپنی فیملی کے ہمراہ عُمرے کی سعادت حاصل کی تھی، انہوں نے اپنی تصاویر بھی سوشل میڈیا پر پوسٹ کی تھیں۔
عمران عباس کی عُمرے سے متعلق پوسٹ کے بارے میں کہا جارہا تھا کہ اداکار نے یہ پوسٹ پروڈیوسر عبداللہ کادوانی کے لیے جاری کی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔