- عیدالاضحیٰ پر صدرمملکت اور وزیراعظم کی جانب سے قوم کو مبارک باد
- ملک بھر میں آج عیدالاضحیٰ مذہبی جوش و جذبےسے منائی جائے گی
- کراچی: بلدیہ ٹاؤن میں بے قابو گائے کی ٹکر سے ایک شخص جاں بحق
- موٹروے پولیس نے لاکھوں کے گم شدہ زیوارت خاتون کو لوٹا دیے
- ضلع خیبر میں سیکیورٹی فورسز کے آپریشن میں پانچ دہشتگرد ہلاک
- آخری گروپ میچ میں آئرلینڈ کو شکست، پاکستان کا ٹی 20 ورلڈ کپ میں سفراختتام پذیر
- اڈیالہ جیل کے باہر پی ٹی آئی کارکنان کا احتجاج، 7 گرفتار
- بھارت: سیلون میں اپنے لعاب سے مساج کرنے والا حجام گرفتار
- ایک سیاسی جماعت ملک سے باہر بھی پاکستان کے خلاف سازش کر رہی ہے، بیرسٹرعقیل ملک
- پاکستان ٹیم کی ناقص پرفارمنس پر تمیم اقبال کی شاہد آفریدی سے اپیل
- ایس ایس جی سی کا عید کے پہلے دو دنوں میں گیس کی بندش نہ کرنے کا اعلان
- پودے بھی اپنے اندر ذہانت رکھتے ہیں، ماہرین
- باول کینسر کے علاج کے متعلق اہم پیشرفت
- عید کے دوران گوشت کا زیادہ استعمال صحت کیلئے نقصان دہ ہوسکتا ہے، ماہرین
- سندھ میں تعلیمی اداروں، ہسپتالوں اور کلینکس پر بھی 15 فیصد سیلزٹیکس عائد
- لاہورایئرپورٹ کے اطراف عید کے ایام میں دفعہ144 نافذ کرنے کی درخواست
- کراچی میں عید کے تینوں روز موسم گرم و مرطوب رہنے کا امکان
- وزیراعظم کی ترک صدر سے گفتگو، سرمایہ کاری، دفاعی تعاون مضبوط کرنے کا اعادہ
- پاکستانی خاتون عازم حج نے میدان عرفات میں بچے کو جنم دیدیا
- ’کشمیر بھارت کا اٹوٹ انگ نہیں‘ کہنے پر اروندھتی رائے پر دہشتگردی کا مقدمہ
طالبہ کو ہراساں کرنے پرجامعہ کراچی نے طالب علم کا داخلہ منسوخ کردیا
کراچی: جامعہ کراچی کی انتظامیہ نے طالبہ کو ہراساں کرنے اور اس کے سر سے ڈوپٹہ کھینچنے پر طالب علم کو یونیورسٹی سے خارج کردیا۔
مذکورہ فیصلہ جامعہ کراچی کی انضباطی کمیٹی کے جمعہ کو منعقدہ اجلاس میں کیا گیا جس کی صدارت بربنائے عہدہ کمیٹی کے سربراہ اور قائم مقام وائس چانسلر جسٹس(ر) حسن فیروز نے کی جبکہ دیگر اراکین میں مشیر امور طلبا ڈاکٹر نوشین، ڈاکٹر ثمر سلطانہ اور ڈاکٹر انتخاب الفت شامل تھے۔
واضح رہے کہ مذکورہ واقعہ بھی جمعہ کی صبح اسکول آف لاء میں دوران امتحان پیش آیا جب ایک طالب علم نے کمرہ امتحان میں موجود ایک طالبہ کے سر سے ڈوپٹہ کھینچ لیا جس سے موقع پر افراتفری پھیل گئی اور طالب علم نے موقع سے فرار ہونے کی کوشش کی تاہم اسکول آف لاء کے عملے نے طالب علم کو پکڑ لیا۔
’’ایکسپریس‘‘ کے رابطہ کرنے پر جامعہ کراچی کے قائم مقام وائس چانسلر جسٹس (ر) حسن فیروز نے واقعے اور اس کے نتیجے میں طالب علم کو یونیورسٹی سے ہمیشہ کے لیے بے دخل کرنے کی تصدیق کی۔
انہوں نے بتایا کہ جب واقعے کی اطلاع ملنے پر مشیر امور طلبا ڈاکٹر نوشین اسکول آف لاء پہنچی تو متاثرہ طالبہ نے اس واقعے سے انھیں تحریری طور پر آگاہ کیا تاہم جب مشیر امور طلبا نے اس فعل میں ملوث طالب علم سے بات کرنے کی کوشش کی تو اس نے بات کرنے سے انکار کردیا۔
انضباطی کمیٹی نے فیصلہ کیا کہ طالب علم کو کمیٹی کے سامنے بلانے کی ضرورت نہیں ہے اور کمیٹی نے مشترکہ طور پر ایل ایل بی نویں سیمسٹر میں زیر تعلیم مذکورہ طالبعلم کو جامعہ کراچی سے مستقل طور پر بے دخل کرتے ہوئے اس کا داخلہ منسوخ کرنے کا فیصلہ کیا ہے جبکہ اجلاس کی روداد تیار کرکے رجسٹرار جامعہ کراچی کو نوٹیفکیشن کے اجرا کی ہدایت کردی گئی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔