- لاہور: ٹکسالی گیٹ کے علاقے میں موٹرسائیکل سوار کی فائرنگ سے پولیس اہلکار شہید
- رواں مالی سال کے 9 ماہ میں مالیاتی خسارہ 4337 ارب سے تجاوز کرگیا
- ترکیے کا عالمی عدالت میں اسرائیل کے خلاف نسل کشی کیس میں فریق بننے کا اعلان
- سعودی عرب کے مختلف علاقوں میں موسلادھار بارش، اسکول بند
- قومی اسمبلی میں آزاد اراکین کی سنی اتحاد کونسل میں شمولیت تسلیم، فہرست جاری
- کلرکہار؛ موٹروے پولیس اور خواتین کے درمیان تلخ کلامی کی ویڈیو وائرل
- اپیکس کمیٹی سندھ کا ہنگامی اجلاس طلب
- کراچی میں پارہ 39.4 ڈگری تک پہنچ گیا، کل 40 ڈگری تجاوز کرنے کا امکان
- پنجاب میں مزید 31 اعلیٰ افسران کے تقرر و تبادلوں کے احکامات
- متحدہ اور پی پی میں ڈیڈ لاک ختم، ملکر قوم کی خدمت کرنے پر اتفاق
- علی ظفر سینیٹ میں پی ٹی آئی کے پارلیمانی لیڈر نامزد
- چیمپئنز ٹرافی: بھارت کے میچز ایک ہی شہر میں کرانے کی تجویز
- اسرائیلی مصنوعات کا بائیکاٹ؛ ملائیشیا میں فاسٹ فوڈ برانڈ کے ریسٹورینٹس بند ہوگئے
- حکومت اسٹیل مل بحال نہیں کرسکتی تو سندھ حکومت کے حوالے کردے، بلاول
- صدر مملکت کا کراچی اور کچے میں ڈاکوؤں کے خلاف سخت کارروائی کا حکم
- پالتو بلی کی ایک چھوٹی سی غلطی نے گھر کو آگ لگادی
- 200 سے زائد پُرانی کتب پر زہریلی دھاتوں کے نقوش دریافت
- وٹامن ڈی اور قوتِ مدافعت کے درمیان ممکنہ تعلق کا انکشاف
- ہم نے قائداعظم کا اسرائیل مخالف نظریہ سمجھا ہی نہیں، مولانا فضل الرحمان
- کے ٹو ایئرویز کو کارگو لائسنس جاری
جن کے بچے یہاں نہیں رہتے انہیں اس ملک سے بھی کوئی سروکار نہیں ہونا چاہیئے، شازیہ مری
اسلام آباد: پاکستان پیپلز پارٹی کی رہنما شازیہ مری کا کہنا ہے کہ جن کے بچے اس ملک میں نہ ہوں اسے اس ملک سے کوئی سروکار نہیں ہوگا۔ ہمارے بچے یہیں پلتے ہیں، جو لگتے بھی پاکستانی ہیں اور ہیں بھی پاکستانی۔
قومی اسمبلی میں اظہار خیال کرتے ہوئے شازیہ مری کا کہنا تھا کہ وہ سانگھڑ سے منتخب ہوئی ہیں، یہ ملک بھلے ہی 14 اگست 1947 میں آزاد ہوا ہو لیکن ان کا حلقہ انتخاب گزشتہ برس 22 اگست کو آزاد ہوا، آزادی کا مطلب یہ نہیں کہ آئین اور پارلیمنٹ کو بےعزت کیا جائے۔ احتجاج کی آڑ میں روایات کا جنازہ نکال دیاگیا ہے، ایک وزیراعلیٰ نے ماضی میں توانائی کے معاملے پر صدر کے خلاف باتیں کی تھیں اور اب ایک وزیر اعلیٰ مکمل سرکاری پروٹوکول کے ساتھ دھرنے میں شریک ہیں، یہ سب غلط ہے۔ وزرا پارلیمنٹ میں نہیں آتے اور اپنے اجلاسوں میں مصروف رہتے ہیں حالانکہ ان کی پہلی ترجیح پارلیمنٹ ہونی چاہیئے تاکہ ایرا غیرا نتھو خیرا پارلیمنٹ کو چیلنج نہ کرے۔ وزیراعظم کے پارلیمنٹ میں آنے سے ثابت ہوتا ہے وہ ہماری عزت کرتے ہیں، جب ہم ان پر تنقید کرتے ہیں تو وزرا اتنی لمبی لمبی تقریر کرتے ہیں جیسے ہم نہیں وزرا خود اپوزیشن میں ہوں۔ حکومتی ارکان اپوزیشن پر طعنے اور آوازیں کستے ہیں، اس دوران ایک آمر کی باقیات ذوالفقارعلی بھٹو کے خلاف باتیں کرتی ہیں۔
شازیہ مری کا کہنا تھا کہ کچھ لوگ پارلیمنٹ کے باہربیٹھ کرہلا گلا کررہے ہیں، جس میں کبھی ایک صوبے کے وزیراعلیٰ سے رقص کروایا جارہا ہے تو کبھی انہیں مضحکہ خیز لباس پہنا رہے ہیں، اس طرح خیبرپختونخوا جیسے غیور اور روایت پسند صوبے کے چیف ایگزیکٹیو کی کیا حالت کی جارہی ہے۔ انہوں نے کہا کہ سول نافرمانی اس پر اچھی لگتی ہے جو پانی پیتے ہوئے اور پیٹرول خریدتے وقت ٹیکس ادا نہ کررہا ہو۔ سول نافرمانی کا کہنے والے خود غریبوں کے پیٹ میں لات ماررہے ہیں، جس کے بچے اس ملک میں نہ ہوں اسے اس ملک سے کوئی سروکار نہیں ہوگا۔ ہمارے بچے یہیں پلتے ہیں، جو لگتے بھی پاکستانی ہیں اور ہیں بھی پاکستانی، اگر ہم انہیں تعلیم کے لئے بیرون ملک بھیجتے ہیں تو وہ واپس آکر ملک کی خدمت ہی کرتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔