- ہاکی کےکھیل کی بہتری کے لئے کوئی کسر نہیں چھوڑیں گے، وزیراعظم شہباز شریف
- زرمبادلہ کے سرکاری ذخائر میں ڈیڑھ کروڑ ڈالرز کا اضافہ
- بلوچستان حکومت کا نوجوانوں کی فلاح و بہبود کیلیے فیسلیٹیشن سینٹرز بحال کرنے کا فیصلہ
- سچن ٹنڈولکر کے سیکیورٹی گارڈ نے خود کو گولی مار کر خودکشی کرلی
- فلسطینی نسل کشی ہولناک مرحلے پر پہنچ گئی؛ عالمی عدالت میں سماعت
- بانی پی ٹی آئی کا اڈیالہ جیل میں طبی معائنہ، بشری بی بی نے خون دینے سے انکار کردیا
- نیلم جہلم پراجیکٹ کی لاگت میں اضافہ؛ ذمہ داروں کے تعین کیلئے کابینہ کمیٹی بنانے کا اعلان
- سپریم کورٹ کا فیصل واوڈا کی پریس کانفرنس پر از خود نوٹس
- آزاد کشمیر میں ہونے والی کشیدگی میں ہمسایہ ملک کا تعلق نکل رہا ہے، وفاقی وزیرداخلہ
- میں اپنے قانونی پیسے سے جہاں چاہوں آج بھی سرمایہ کاری کروں گا، محسن نقوی
- غزہ پر فوجی حکمرانی کا خواب؛ اسرائیلی کابینہ میں پھوٹ پڑ گئی
- قومی اسمبلی اجلاس: طارق بشیر نے زرتاج گل کو نازیبا الفاظ کہنے پر معافی مانگ لی
- پاکستان کو بلائنڈ کرکٹ ورلڈ کپ کی میزبانی مل گئی
- آئی او ایس اپ ڈیٹ کے بعد صارفین کو نئی مشکل کا سامنا
- سائنس دانوں نے ریڑھ کی ہڈی کے علاج کے لیے نئی ڈیوائس بنالی
- کشتی کو چھپانے کیلئے باڑ لگانے کی ہدایت، شہری کا انوکھا طریقہ
- سعودی عرب؛ حج کے دوران اس غلطی پر ایک لاکھ ریال جرمانہ ہوسکتا ہے
- لوگوں کو لاپتا کرنے والوں کے خلاف سزائے موت کی قانون سازی ہونی چاہیے، اسلام آباد ہائیکورٹ
- مسائل کے حل کے لیے کراچی کے لوگوں کو آواز اٹھانا پڑے گی، گورنر سندھ
- موسمیاتی تبدیلیوں کے اثرات: تیسرے سال بھی آم کی پیداوار میں نمایاں کمی
سونامی کے چیمپئن عمران خان میں طالبان کو دہشت گرد کہنے کی ہمت نہیں، شرجیل میمن
کراچی: وزیر اطلاعات سندھ شرجیل میمن نے کہا ہے کہ سونامی کے چیمپئن عمران خان طالبان کو دہشت گرد کہنے کی ہمت نہیں کرسکتے جبکہ نثار کھوڑو کا کہنا ہےکہ تحریک انصاف کے جلسے میں لاڑکانہ کے لوگوں نے بتادیا ہے کہ سندھ والے کوئی غلیظ زبان برداشت نہیں کریں گے۔
کراچی میں پریس کانفرنس کرتے ہوئے صوبائی وزیر اطلاعات شرجیل میمن نے کہا کہ تحریک انصاف کے جلسے کی سکیورٹی کے لیے انتظامات خود دیکھے جس پر عارف علوی اور نادر اکمل لغاری نے حکومت کے اس جذبے کو سراہا، ہم نے تحریک انصاف کے جلسے کو مکمل سکیورٹی فراہم کی اور ان کے لیے اسپیشل ہیلی پیڈ بنایا، جلسے سے ایک دن پہلے تک کسی قسم کی کوئی شکایت نہیں تھی لیکن جلسے کے دن یہ خبریں آئیں کہ تحریک انصاف کے لوگوں کو لاڑکانہ آنے سے روکا جارہا ہے جس پر بے حد افسوس ہوا جبکہ میڈیا پر اس سےمتعلق کوئی فوٹیج بھی سامنے نہیں آئی۔
شرجیل میمن نے کہا کہ سکیورٹی خدشات کے باعث عمران خان نے خود سکیورٹی کی درخواست کی تھی لیکن اس کے باوجود تحریک انصاف کی منافقت پر افسوس ہوتا ہے۔ ان کا کہنا تھا کہ سونامی کے چیمپئن عمران خان طالبان کو دہشت کہنے کی ہمت نہیں کرسکتے اور جو طالبان کو دہشت گرد نہیں کہہ سکتا اسے پاکستان میں سیاست کرنے کا بھی کوئی حق نہیں۔ اس موقع پر میڈیا سے بات کرتے ہوئے سینئر صوبائی وزیر تعلیم نثار کھوڑو نے کہا کہ عمران خان لاڑکانہ میں بولڈ ہوگئے ہیں، سندھیوں نے ہمیشہ پیپلزپارٹی کا ساتھ دیا ہے اور لاڑکانہ والوں نے تحریک انصاف کے جلسے میں بتادیا کہ سندھ والے غلیظ زبان برداشت نہیں کرسکتے ہم نے ہمیشہ اپنی پگڑی کی عزت رکھی اور سر اٹھا کر جینا سیکھا ہے۔
نثار کھوڑو کا کہنا تھا کہ عمران خان واحد شخص تھے جنہوں نے پرویز مشرف کی حمایت کی اور مشرف کے ساتھی عوام کے دوست نہیں ہوسکتے جبکہ ہم نے کسی کی غلامی یا پچھلے دروازے سے آنے کی کوشش نہیں کی اور نہ ہی کسی تھرڈ امپائر کا انتظار کیا، اگر کسی کو طیش میں آنا ہے تو سوبار آئے لیکن سندھ کی بے عزتی برداشت نہیں کی جائے گی۔ انہوں نے کہا کہ عمران خان کے عمل اور بیانات میں تضاد ہے، پیپلزپارٹی نے واضح طور پر کہا تھا کہ کالا باغ ڈیم نہیں بنے گا کیونکہ سندھ کے پانی پر پہلا حق سندھیوں کا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔