- اسلام آباد پولیس نے عام افراد کا ریڈ زون میں داخلہ بند کردیا
- بھارتی فوج کی سرحد پر فائرنگ؛2 بنگلادیشی نوجوان جاں بحق
- ججز کے خلاف مہم کا معاملہ سماعت کے لیے مقرر
- بشام حملے کے دہشتگردوں کے تانے بانے افغانستان سے ملتے ہیں، ترجمان دفتر خارجہ
- سانحہ 9 مئی؛ وزیراعظم کی صدارت میں کابینہ کا خصوصی اجلاس جاری
- عامر کا ویزہ ایشو؛ پی سی بی نے کرکٹ آئرلینڈ کو خبردار کردیا
- 9 مئی کے منصوبہ سازوں اور سہولت کاروں کیساتھ کوئی سمجھوتا نہیں ہوگا، آئی ایس پی آر
- کراچی کے بجلی صارفین کیلیے قیمت میں 18.86 روپے اضافے کی درخواست
- لاہور اور کراچی سے حج پروازوں کا آغاز؛ اللہ کے مہمان حجاز مقدس روانہ
- پی ایس ایل10؛ پشاور زلمی ہوم گرؤانڈ پر اِیکشن میں ہوگی
- وزیر اطلاعات سے چینی سفیر کی ملاقات، معاشی بحالی سمیت دیگر امور پر گفتگو
- پنجاب اور سندھ میں شدید گرمی، میدانی علاقوں میں ہیٹ ویو کے امکانات
- شمالی وزیرستان میں لڑکیوں کا پرائیویٹ اسکول بموں سے اڑا دیا گیا
- کراچی؛ جھگڑے میں فائرنگ سے 3 بچوں کا باپ ہلاک، والد اور دوست زخمی
- بشریٰ بی بی کا جیل میں تحفظ ریاست کی ذمے داری ہے، اسلام آباد ہائیکورٹ
- پی ایس ایل9؛ منافع اور نقصانات کی ابتدائی تفصیل منظر عام پر آگئی
- 9 مئی ممکنہ احتجاج؛ پی ٹی آئی رہنماؤں کے گھروں پر پولیس کے چھاپے
- لاہور ائرپورٹ لاونج میں شارٹ سرکٹ سے آگ لگ گئی، حج پرواز متاثر
- بھارتی مسلمان گورنر کا رام مندر میں ہندو دیوتا کو سجدہ، ویڈیو وائرل
- آئی پی ایل؛ لکھنؤ سپر جائنٹس کے اونر اپنی ہی فرنچائز کے کپتان پر برہم، ویڈیو وائرل
کیا آپ چھٹیوں پر جا رہی ہیں؟
بچوں کی چھٹیاں ہوتے ہی بہت سے گھرانوں میں گھومنے پھرنے، سیر و سیاحت کے منصوبے بننے لگتے ہیں۔
کچھ لوگ دوسرے شہر جانا پسند کرتے ہیں، پہاڑی علاقوں یا قدرتی حسن سے مالا مال صحت افزا جگہوں کی سیر کے منصوبے بنتے ہیں، تو کچھ گھرانے بیرون شہر اور بیرون ملک سیر و تفریح کی منصوبہ بندی کرتے ہیں۔ اگر آپ بھی ایسی کوئی منصوبہ بندی کر رہی ہیں اور آپ کا ارادہ چند دنوں یا چند ہفتوں کے لیے گھر کو بند رکھنے کا ہے تو چند حفاظتی اقدام ضرور کیجیے تاکہ آپ کی غیر موجودگی میں آپ کا گھر اور گھر کی تمام اشیا محفوظ رہیں۔
اپنے کسی قابل اعتماد رشتہ دار یا دوست سے درخواست کیجیے کہ وہ اکثر وبیشتر آپ کے گھر کا چکر لگا لیا کرے۔ اگر آپ کے پڑوسیوں سے اچھے تعلقات ہیں اور وہ قابل بھروسا ہیں تو وہ سب سے بہترین انتخاب ہیں کیوں کہ خدانخواستہ کسی ہنگامی صورت حال میںوہ سب سے پہلے مدد کر سکتے ہیں، لہٰذا آپ جس کا بھی انتخاب کریں ان کو اپنے گھر کی چابیوں کا ایک گچھا دے دیجیے۔ اس کے علاوہ شہر یا ملک سے باہر ہونے کی صورت میں آپ کے فون نمبر، پتا یا آپ سے رابطے کے لیے ممکنہ معلومات ان کو فراہم کر دیجیے۔ اس کے علاوہ ان کو ہدایت کیجیے کہ آپ کے میل باکس کو وقتاً فوقتاً دیکھتے رہا کریں۔ کیوں کہ بھرا ہوا میل باکس یا جمع شدہ ڈاک واضح اشارہ ہوتا ہے کہ گھر میں کوئی موجود نہیں۔ اس کے علاوہ اگر آپ کے پاس کوئی پالتو جانور یا پودے ہیں تو ان کو بھی کسی کے سپرد کر کے جائیں، اسی طرح اخبارات کے لیے بھی پڑوسیوں کو کہہ سکتی ہیں۔
کچھ عرصے کے لیے گھر بند کرنے سے پہلے ضروری ہے کہ گھر کی اچھی طرح صفائی کر لیجیے۔ بہ صورت دیگر اتنے دنوں میں صفائی ستھرائی کی صورت حال بہت ابتر ہوجائے گی اور کیڑے مکوڑوں اور جراثیم کی افزائش کا سبب ہو گا۔ اپنے تمام نوکر چاکر، ماسیوں اور ڈرائیور کو اتنے دن کی رخصت دے دیجیے، لیکن اگر کوئی چوکی دار یا سکیورٹی گارڈ ہے تو اس کو چھٹی نہ دیجیے۔
گھر میں باغیچہ موجود ہے یا کیاریوں میں پودے لگے ہیں تو مالی کو اس بات پر آمادہ کیجیے کہ آپ کی غیرموجودگی میں وہ روز آکر باغیچے کی دیکھ بھال کرے اور پانی دے، لیکن یہ سب چوکی دار، پڑوسی یا دوست کی نگرانی میں ہو۔ گھر میں موجود نقدی، زیور یا ضروری کاغذات وغیرہ بینک کے لاکر میں رکھوا دیں۔ اپنی تمام الماریاں، درازیں وغیرہ سب اچھی طرح بند کریں۔
فریج اور فریزر کو خالی کر کے اس کی صفائی کریں اور کچھ دیر کھلا چھوڑ دیں۔ تمام بجلی کے پلگ نکال دیں، بٹن بند کر دیں، بجلی اور گیس کے سوئچ بند کر دیں۔ غسل خانے، باورچی خانے وغیرہ میں نالیوں کو جالی لگاکر سیل کردیں اور کوئی کیڑے مار دوا تمام چھوٹے بڑے کمروں میں چھڑک دیں۔ دروازے، کھڑکیوں کو اچھی طرح مقفل کریں، اگر آپ کے گھر میں کوئی سکیورٹی الارم سسٹم موجود ہے تو سکیورٹی کمپنی کو اپنی غیر موجودگی سے آگاہ کردیجیے۔ اس طرح وہ بھرپور اور مستعد ہوکر اپنے فرائض سرانجام دیںگے، گھر کے باہر یا گیٹ پر کوئی لائٹ لگی ہے تو اس کو جلا کر رکھیں۔ حفاظتی اقدام میں یہ سب سے اہم ہے۔ یا آپ اپنے چوکیدار یا پڑوسیوں کو بھی بتی کھلی رکھنے کی ہدایت کر دیں۔ اگر آپ کی گاڑی گھر پر کھڑی ہے تو اس کی بیٹری کو بھی ان پلگ کر دیجیے اور گاڑی کو ڈھک دیجیے تاکہ وہ گرد و غبار اور موسمی اثرات سے محفوظ رہے۔
اگر آپ نے نہایت اطمینان سے ان تمام تدابیر پر عمل کر لیا ہے تو انشااللہ جب آپ تعطیلات سے اچھی طرح لطف اندوز ہونے کے بعد گھر لوٹیں گی تو کسی قسم کے مسائل کا سامنا نہیں کرنا پڑے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔