- بھارت میں قیامت خیز گرمی؛ ہیٹ اسٹروک سے 19 افراد ہلاک
- وزیراعلیٰ گنڈا پور کا صوبے کی 4 ہزار مستحق بچیوں کی اجتماعی شادی کا فیصلہ
- کراچی؛ گرمی کی لہر جاری، ہفتے کو پارہ 42 ڈگری تک پہنچ سکتا ہے
- فلیونائیڈ سے بھرپور غذائیں ذیا بیطس کے خطرات کم کرتی ہیں، تحقیق
- شادی کے 12 دن بعد پتا چلا کہ بیوی مرد ہے؛ شوہرتھانے پہنچ گیا
- لکڑی سے بنا ماحول دوست سیٹلائٹ ستمبر میں لانچ کیا جائے گا
- ایل پی جی کی قیمت میں مزید کمی
- یمن میں امریکی اور برطانوی لڑاکا طیاروں کا حوثیوں پر حملہ؛ 16 افراد جاں بحق
- ’’پاکستان ٹیم اسٹرائیک ریٹ فوبیا میں پھنس کر رہ گئی ہے‘‘
- بلوچستان میں گرمی کی لہر برقرار، سبی میں پارہ 49 ڈگری تک پہنچ گیا
- حالیہ ہفتے 14 اشیائے ضروریہ کی قیمتوں میں اضافہ ہوا
- سپریم کورٹ: فیصل واوڈا توہین عدالت کیس سماعت کے لیے مقرر
- آئی ایم ایف نے نئے معاہدے کیلیے تجاویز کا مسودہ پاکستان کے حوالے کردیا
- نیب ترامیم کالعدم قرار دینے کے فیصلے کیخلاف انٹرا کورٹ اپیلیں سماعت کیلیے مقرر
- پشاور میں سیکیورٹی فورسز کا آپریشن؛ دو دہشت گرد ہلاک اور دو زخمی
- چینی انجینئرز پر حملہ: داخلہ اور خارجہ کے افسران کابل پہنچ چکے، اسحاق ڈار
- مسلسل شکستیں! سابق کپتان نے بھی بابراعظم کو مشورہ دیدیا
- کراچی؛ حساس ادارے کے اہلکار کے قتل کیس میں ایک ملزم کو سزائے موت، 2 کو عمر قید
- آٹو سیکٹر پاکستان میں مقامی سطح پر گاڑیاں تیاری کرے، وزیراعظم
- وزیراعظم 4 جون کو چین روانہ ہونگے، 110 رکنی تجارتی وفد بھی ہمراہ ہوگا
لاہور ائرپورٹ لاونج میں شارٹ سرکٹ سے آگ لگ گئی، حج پرواز متاثر
لاہور: علامہ اقبال انٹرنیشنل ائرپورٹ کے لاونج میں شارٹ سرکٹ سے آگ لگ گئی اور دھواں بھر گیا، جس سے حج پرواز متاثر ہوئی جب کہ عازمین حج کو لاونج سے نکال کر باہر کھڑا کردیا گیا۔
ائرپورٹ ذرائع کے مطابق آگ تقریباً صبح سوا پانچ بجے کے قریب لگی اور اسموگ کی وجہ سے الارم بھی نہیں بج سکا۔ آگ کی اطلاع ملنے کے بعد ایوی ایشن فائر بریگیڈ کا عملہ تقریباً ایک گھنٹے کے بعد پہنچا۔ آگ لگنے کے واقعے کے بعد لاہور ائرپورٹ کی اندرونی عمارت کو خالی کروا لیا گیا تھا۔
آگ لگنے کی وجہ سے لاہور سے مدینہ جانے والی پہلی حج پرواز پی کے 717 تاخیر کا شکار ہوئی، اس موقع پر عازمین حج کو ائرپورٹ لاونج سے نکال کر باہر برآمدے میں کھڑا کردیا گیا جب کہ ائر پورٹ پر دھویں کی وجہ سے بدبو پھیل گئی۔
ذرائع کے مطابق آتشزدگی اور دھویں کی وجہ سے امیگریشن سسٹم مکمل طور پر متاثر ہوا۔ سسٹم میں خرابی کے باعث لاہور سے اندرون و بیرون ملک آپریٹ ہونے والی پروازیں تاخیر کا شکار ہو گئیں۔
دوسری جانب آگ لگنے کی وجوہات جاننے کے لیے سول ایوی ایشن اتھارٹی کی ٹیم بنا دی گئی ہے۔ سی اے اے کے مطابق آگ سے امیگریشن کاؤنٹر بری طرح متاثر ہوا۔ ائرپورٹ مینیجر کی زیر نگرانی آگ کی وجوہات کے اسباب معلوم کیے جارہے ہیں ۔
بعد ازاں سی اے اے کی جانب سے بیان جاری کیا گیا کہ حج زائرین کے لیے بنائے گئے خصوصی امیگریشن ایریا میں شارٹ سرکٹ ہوا، جس سے آگ لگنے کا واقعہ پیش آیا، بعد ازاں صورت حال پر قابو پالیا گیا ہے اور حج اور دیگر انٹرنیشنل فلائٹس کو ڈومیسٹک سائیڈ سے ڈیل کیا جارہا ہے۔ ڈومیسٹک فلائٹ آپریشنز بھی جلد بحال ہونے کی توقع ہے۔ لاہور ائرپورٹ لینڈ کرنے والی فلائٹس کی مینوئل امیگریشن کی جارہی ہے۔
امیگریشن حکام کے مطابق آتشزدگی اور دھویں کی وجہ سے کاؤنٹرز بند ہونے سے بیرون ممالک جانے والی پی آئی اے سمیت دیگر ملکی و غیر ملکی ائرلائن کی 6 پروازوں کی روانگی میں تاخیر ہوئی۔
دریں اثنا وفاقی وزیرداخلہ محسن نقوی نے لاہور ائرپورٹ پر آتشزدگی کے واقعے کی رپورٹ طلب کرتے ہوئے تحقیقات کا حکم دے دیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔