لاہور کے علاقے پیر مکی میں فائرنگ سے 3 افراد زخمی

 لاہور: پیر مکی کے قریب نامعلوم مسلح ملزمان کی فائرنگ سے 3 افراد زخمی ہوگئے۔

ایکسپریس نیوز کے مطابق لاہور کے علاقے پیر مکی میں نامعلوم مسلح ملزمان نے فائرنگ کردی جس کے نتیجے میں 3 افراد زخمی ہوگئے۔ پولیس کےمطابق فائرنگ موٹرسائیکل پر سوار 2 مسلح افراد نے جس کے نتیجے میں زخمی ہونے والے تینوں افراد کو میو اسپتال منتقل کردیا گیا ہے۔

عینی شاہدین نے بتایا کہ پیر مکی کے قریب فائرنگ سے زخمی ہونے والے افراد پہلے موٹرسائیکل پر سوار 2 افراد سے بات چیت کررہے تھے کہ اس دوران اچانک جھگڑا ہوگیا جس کے بعد موٹرسائیکل سواروں نے فائرنگ کردی اور باآسانی فرار ہوگئے۔ پولیس نے عینی شاہدین کے بیان کی روشنی میں واقعے کے ڈکیتی مزاحمت یا ذاتی دشمنی ہونے کا خدشہ ظاہر کیا ہے تاہم واقعے کی تفتیش کا آغاز کردیا گیا ہے۔