- حماس نے قطر اور مصر کی جنگ بندی کی تجویز مان لی
- سعودی ولی عہد ہر سطح پر پاکستان کی مدد کرنا چاہتے ہیں، وزیراعظم
- بلوچستان کے مسائل سیاسی ڈائیلاگ کے ذریعے حل ہونے چاہئیں، صدر مملکت
- کراچی سے بھارتی خفیہ ایجنسی کے 2 انتہائی خطرناک دہشت گرد گرفتار
- جسٹس بابر ستار کے خلاف مہم چلانے پر توہین عدالت کی کارروائی کا فیصلہ
- حکومت سندھ نے پیپلزبس سروس میں خودکار کرایہ وصولی کا نظام متعارف کرادیا
- سعودی ولی عہد کا رواں ماہ دورۂ پاکستان کا امکان
- سیاسی بیانات پر پابندی کیخلاف عمران خان کی اسلام آباد ہائیکورٹ میں درخواست دائر
- ٹی ٹوئنٹی ورلڈ کپ 2024 کیلئے قومی ٹیم کی نئی کِٹ کی رونمائی
- نازک حصے پر کرکٹ کی گیند لگنے سے 11 سالہ لڑکا ہلاک
- کے پی وزرا کو کرایے کی مد میں 2 لاکھ روپے ماہانہ کرایہ دینے کی منظوری
- چینی صدر کا 5 سال بعد یورپی ممالک کا دورہ؛ شراکت داری کی نئی صف بندی
- ججز کا ڈیٹا لیک کرنے والے سرکاری اہلکاروں کیخلاف مقدمہ اندراج کی درخواست دائر
- کراچی میں ہر قسم کی پلاسٹک کی تھیلیوں پر پابندی کا فیصلہ
- سندھ ؛ رواں مالی سال کے 10 ماہ میں ترقیاتی بجٹ کا 34 فیصد خرچ ہوسکا
- پنجاب کے اسکولوں میں 16 مئی کو اسٹوڈنٹس کونسل انتخابات کا اعلان
- حکومت کا سپریم کورٹ کے مخصوص نشستوں کے عبوری فیصلے پر تحفظات کا اظہار
- طعنوں سے تنگ آکر ماں نے گونگے بیٹے کو مگرمچھوں کی نہر میں پھینک دیا
- سندھ میں آم کے باغات میں بیماری پھیل گئی
- امریکی سفیر ڈونلڈ بلوم سے پی ٹی آئی قیادت کی ملاقات، قانون کی حکمرانی پر گفتگو
وفاقی کابینہ:دھماکا خیزمواد کی روک تھام کا بل،حج پالیسی منظور
اسلام آباد: وفاقی کابینہ نے دیسی ساختہ دھماکا خیز مواد کی روک تھام کے بل 2012ء اور حج پالیسی 2013ء کی منظوری دیدی ہے۔
وفاقی کابینہ کا اجلاس وزیر اعظم راجہ پرویز اشرف کی زیر صدارت گزشتہ روز اسلام آباد میں ہوا، دھماکہ خیز مواد کی روک تھام کے بل کی منظوری کے تحت آئی ای ڈیز میں استعمال ہونیوالی اشیاء کی درآمد اور برآمد پر پابندی ہو گی، دھماکا خیز مواد بنانے اور اس میں استعمال ہونیوالی اشیاء فروخت کرنیوالوں کو انسداد دہشت گردی ایکٹ کے تحت سزائیں دی جا سکیں گی، بل جلد پارلیمنٹ میں پیش کی جائے گی۔
کابینہ نے حج پالیسی 2013ء کی بھی منظوری دی جس کے تحت رواں سال ایک لاکھ 80 ہزار عازمین فریضہ حج ادا کریں گے ، حج درخواستیں پہلے آیے پہلے پایے کی بنیاد پر وصول کیے جائیں گے ۔ ایک ٹی وی کے مطابق حج پالیسی کی منظوری بغیر بریفنگ کے دی گئی۔ کابینہ نے کراچی، حیدر آباد ایم نائن موٹروے کی تعمیر کا ٹھیکہ نیسپاک اور ایف ڈبلیو او کو دینے کا فیصلہ کیا جبکہ شیل کمپنی کو پاکستان میں تیل دریافت کرنے کی اجازت دینے کی بھی منظوری دیدی۔ ایک ٹی وی کے مطابق کابینہ نے اوگرا کو وزارت پٹرولیم کے ماتحت کرنے کی وزارت پٹرولیم کی سمری مسترد کردی ۔
کابینہ نے سری لنکا ،ترکی،انڈونیشیا اور دیگر ممالک کیساتھ دہشت گردوں کی مالی معاونت کرنیوالے عناصر کی مانیٹرنگ کیلیے معاہدے کرنے ، تجارتی بل 2013ء ،سیکیورٹی ایکسچینج کمیشن بل 2013ء اور ماحولیاتی تبدیلی پر کام کرنے کیلیے اٹلی اور کوریا کیساتھ تعاون کے معاہدے کی بھی منظوری دی۔ کابینہ اجلاس میں امن و امان کی صورتحال پر تفصیلی تبادلہ خیال کیا گیا اور کوئٹہ میں ٹارگیٹڈ آپریشن کی توثیق کی گئی۔ اجلاس کے اختتام پر ارکان کا الوداعی فوٹو سیشن ہوا ۔ اجلاس کے بعد وفاقی وزیر اطلاعات ونشریات قمر زمان کائرہ نے بریفنگ دیتے ہوئے کہا کہ کوئٹہ میں قیام امن تک ٹارگٹڈ آپریشن جاری رکھا جائیگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔