پی ایس ایل کے چوتھے ایڈیشن کا رنگا رنگ میلہ سج گیا

 دبئی: پاکستان سپر لیگ کے چوتھے ایڈیشن کا رنگا رنگ میلہ سج گیا جس میں ملکی اورغیرملکی فنکاروں نے اپنی پرفارمنس سے تقریب کو چار چاند لگادیئے۔

چھکے، چوکے اور وکٹیں گرتے دیکھنے کے لیے بے تاب شائقین کرکٹ کا انتظارختم ہوا، پاکستان سپر لیگ کے چوتھے ایڈیشن کا آغاز دبئی انٹرنیشنل کرکٹ اسٹیڈیم میں ہوگیا۔

https://twitter.com/thePSLt20/status/1096095744669429760

پی ایس ایل سیزن فور کی افتتاحی تقریب میں جنون گروپ نے جنون کے سُر بکھیرے، آئمہ بیگ نے دلوں کے تار چھیڑے جب کہ فواد خان نے ایونٹ کا ٹائٹل سانگ گا کر رنگ جمایا۔

Young Desi and Fawad Khan bring up the official anthem of #HBLPSL 2019, #KhelDeewanoKa pic.twitter.com/siRpk0IF1X

— PakistanSuperLeague (@thePSLt20) February 14, 2019

تقریب سے خطاب کرتے ہوئے چیئرمین پی سی بی احسان مانی نے پی ایس ایل میں شریک ٹیموں کے لیے نیک خواہشات کا اظہار کیا اور ساتھ ہی انہوں نے یو اے ای کی حکومت کا بھی شکریہ ادا کیا۔ ان کا کہنا تھا کہ پاکستان سپرلیگ دنیا کی بڑی لیگ میں سے ایک ہے۔

Disco Deewaney recreated! #HBLPSL #KhelDeewanoKa pic.twitter.com/lCZGYwsRJr

— PakistanSuperLeague (@thePSLt20) February 14, 2019

افتتاحی تقریب سےمتحدہ عرب امارات کے وزیر شیخ نہیان بن مبارک النہیان نے بھی خطاب کیا جس میں انہوں نے پی ایس ایل میں شامل تمام کھلاڑیوں کو خوش آمدید کہتے ہوئے کہا کہ ہماری حکومت یو اے ای میں پاکستان کرکٹ کو مکمل تعاون فراہم کرتی ہے۔

https://twitter.com/thePSLt20/status/1096107242942881792

واضح  رہے کہ ایونٹ میں مجموعی طور پر 34 میچز کھیلے جائیں گے، دبئی، ابوظہبی اور شارجہ میں 26 میچز جب کہ فائنل سمیت 5 میچز کراچی کے نیشنل اسٹیڈیم اور 3 میچز لاہور کے قذافی اسٹیڈیم میں ہوں گے۔