- پاکستان واپس آرہا ہوں، سیاست میں متحرک کردار ادا کروں گا، عشرت العباد
- حماس کا رفح میں کارروائی روکنے کے حکم کا خیرمقدم، اسرائیل نے مسترد کردیا
- عدلیہ کو اپنی صفوں میں بہتری کی ضرورت ہے، خواجہ آصف
- وزیر اعلیٰ کے پاس خود جاؤں گا اور صوبائی حکومت کی مدد کروں گا، گورنر خیبرپختونخوا
- سلامتی کونسل عالمی عدالت کے فیصلے پر فوری عمل درآمد کروائے، وزیراعظم
- کشمیر جب بھارت کو دے دیا ہے تو اب یہ تنازع ختم ہونا چاہیے، مولانا فضل الرحمان
- 17 برس پرانے قتل کیس کا فیصلہ، 4 سال پہلے جیل میں مرنے والا ملزم بھی بری
- طالبہ کو ہراساں کرنے پرجامعہ کراچی نے طالب علم کا داخلہ منسوخ کردیا
- چین پاکستان کی ترقی میں اہم شراکت دار ہے، وزیراعظم
- خیبرپختونخوا کا بجٹ خلاف آئین اور وزیراعلیٰ کے تازہ شہد کے استعمال کا نتیجہ ہے، امیر مقام
- مداح نے میڈونا کے 18 ٹیٹو بنوا کر ریکارڈ قائم کر دیا
- ٹی20 ورلڈکپ کے لیے قومی ٹیم کے اسکواڈ کا اعلان
- فلسطین کو تسلیم کرنا یہود دشمنی نہیں؛ یورپی یونین کا اسرائیل کو جواب
- ملک میں 5 سال کے دوران غربت کی شرح بڑھ کر 39.5 فیصد ہوگئی
- اسلام آباد ہائیکورٹ: لاپتا افراد کے تمام مقدمات براہ راست نشر کرنے کا حکم
- کراچی؛ سرکاری اسپتالوں میں اینستھیزیا کے ماہرڈاکٹروں کی کمی سے مریض پریشان
- الیکشن کمیشن کا 98 ارکان اسمبلی کو گوشوارے جمع نہ کرنے پر نوٹس، 29 مئی کو طلب
- سولر پارکس بناکر سندھ میں 100 یونٹس تک بجلی مفت فراہم کریں گے، ناصر حسین شاہ
- اسرائیل رفح میں فوجی آپریشن فوری طور پر روکدے؛ عالمی عدالت کا فیصلہ آگیا
- جج کسی کی بی ٹیم نہیں، عدلیہ کا احترام نہ کرنے والا کوئی توقع نہ رکھے، چیف جسٹس لاہور ہائیکورٹ
پانی بچانے والوں کا یوم اپیل
کرۂ ارض کا تقریباً 71 فیصد پانی سے ڈھکا ہونے کے باوجود انسان کےلیے قابلِ استعمال پانی صرف تین فیصد ہے۔ اور اس تین فیصد کا بڑا حصہ آبپاشی یعنی زرعی مقاصد کےلیے استعمال کیا جاتا ہے۔ دن بدن سوکھتے، آلودہ ہوتے دریا اور پانی کی بڑھتی کمیابی کے باعث دنیا بھر میں کم پانی سے بہتر کاشت کاری کا رجحان فروغ پا رہا ہے، جدید نظام ہائے آبپاشی متعارف کروائے جا رہے ہیں اور آبپاشی کےلیے پہلے سے موجود چینلز کو جدید تقاضوں سے ہم آہنگ کیا جا رہا ہے۔
اسی سلسلے میں پاکستان میں بھی سالہاسال سے کئی اقدامات کیے جا رہے ہیں جن میں سے ایک، سال 2005 میں شروع ہونے والا قومی پروگرام برائے اصلاح کھالہ جات بھی ہے۔ اس پروگرام کے تحت ملک بھر میں فصلوں کی آبپاشی کےلیے بنائے گئے کچے کھالوں کی اصلاح کرکے انہیں تیس فیصد تک پختہ تعمیر کیا گیا اور آبی ماہرین کے اندازے کے مطابق ایک ڈیم برابر پانی بچایا گیا۔ اس پروگرام کی افادیت کو مدنظر رکھتے ہوئے حال ہی میں بر سر اقتدار آنے والی تحریکِ انصاف کی حکومت نے قومی پروگرام برائے اصلاح کھالہ جات کے فیز دوم کا اعلان کیا ہے۔
دنیا بھر کے آبی ماہرین اس بات پر متفق ہیں کہ آبی چینلز یعنی کھالہ جات کو ساٹھ فیصد تک پختہ کر دیا جائے تو نہ صرف پانی کی نوے فیصد بچت کو یقینی بنایا جا سکتا ہے بلکہ ٹیل تک فراہمی کو ممکن بنا کر بنجر زمینوں کو آباد کیا جا سکتا ہے۔ ان حقائق کو مدنظر رکھتے ہوئے قومی پروگرام کے فیز 2 میں ملک بھر کے کھالہ جات کو پچاس فیصد تک پختہ کیا جائے گا۔ صرف یہی نہیں بلکہ چونکہ زمینیں غیر ہموار ہونے کے باعث بہت سا پانی رقبے کی اونچ نیچ میں ضائع ہو جاتا تھا، اسے ختم کرنے اور زمین کی ہمواری بذریعہ لیزر کرنے کےلیے لیزر لینڈ لیولرز بھی کسانوں کو فراہم کیے جائیں گے۔ نیز بارش کے پانی کو ذخیرہ کرنے کےلیے فیلڈ کی سطح پر ملک بھر میں چھوٹے چھوٹے تالاب تعمیر کیے جائیں گے۔
قابل ذکر بات یہ ہے کہ درج بالا تمام کام واٹر مینجمنٹ کے وہ ملازمین ہی سرانجام دیں گے جنہیں قومی پروگرام کے فیز اول کے تحت پندرہ سال پہلے بھرتی کیا گیا تھا؛ اور وہ گزشتہ 15 سال سے بلا تعطل اپنا کام جاری رکھے ہوئے ہیں۔ لیکن قابلِ افسوس امر یہ ہے کہ ان ملازمین میں سے پاکستان کے دیگر تمام صوبوں کے ملازمین کو مستقل کر دیا گیا ہے۔ البتہ پنجاب کے 1362 ملازمین تاحال مستقلی سے محروم ہیں، سراپا سوال ہیں۔
ان ملازمین کی جانب سے 12 فروری بروز بدھ کو پنجاب بھر میں ’’یومِ اپیل‘‘ منانے کا فیصلہ کیا گیا ہے جس کے تحت پاکستان خصوصاً صوبہ پنجاب کے اعلیٰ حکام سے مستقل کرنے اور نوکریوں سے نکالے گئے ساتھیوں کو بحال کرنے کی اپیلیں کی جائیں گی۔ میری تمام حکام بالا سے اپیل ہے کہ وہ اس سلسلے میں نوٹس لیں؛ اور یہ غریب ملازمین کہ جو سڑکوں پر آنے کے بجائے پرامن طور پر جدوجہد جاری رکھے ہوئے ہیں اور سوشل میڈیا پر آواز اٹھا رہے ہیں، ان کی اپیل کو سنا جائے۔
جناب عزت مآب چیف جسٹس سپریم کورٹ آف پاکستان سے بھی اپیل ہے کہ منصفِ اعلی ہونے کے ناتے وہ پاکستان کے تمام شہریوں کے یکساں حقوق کے ضامن ہیں۔ اسی بنیاد پر ان ملازمین کی داد رسی فرمائیں اور ملک کے دیگر صوبوں کے واٹر مینجمنٹ ملازمین کی طرح پنجاب کے ملازمین کو بھی مستقل کرنے کا حکم صادر فرمایا جائے۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 سے 1,000 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹوئٹر آئی ڈیز اور اپنے مختصر مگر جامع تعارف کے ساتھ [email protected] پر ای میل کردیجیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔