- محمود خان اچکزئی کے ناقابل ضمانت وارنٹ گرفتاری معطل
- پنجاب میں آسمانی بجلی گرنے کے واقعات میں اموات 26 تک پہنچ گئیں
- عوامی ردعمل پر شکار پور سے کراچی بھیجے گئے پولیس اہلکاروں کو شوکاز نوٹس جاری
- لاہور میں فائرنگ کے واقعات میں سب انسپکٹر سمیت تین شہری جاں بحق
- کراچی میں ڈکیتی مزاحمت پر سیکیورٹی گارڈ جاں بحق، سال 2024 میں اب تک 67 شہری قتل
- پانچواں ٹی 20: پاکستان نے نیوزی لینڈ کو شکست دیکر سیریز برابر کردی
- یوراج سنگھ نے ٹی 20 ورلڈ کپ کی سیمی فائنلسٹ ٹیموں کی پیش گوئی کردی
- سیکیورٹی فورسز کی ہرنائی میں بروقت کارروائی، ایک دہشت گرد ہلاک
- بھارت؛ منی پور میں مبینہ علیحدگی پسندوں کے حملے میں دو سیکیورٹی اہلکار ہلاک
- پی ٹی آئی میں اختلافات، شبلی فراز اور شیر افضل مروت آمنے سامنے آگئے
- بابر اعظم نے ٹی 20 انٹرنیشنل کرکٹ میں ایک اور اعزاز اپنے نام کرلیا
- بابر اعظم نے ٹی 20 انٹرنیشنل کرکٹ میں ایک اور اعزاز اپنے نام کرلیا
- داؤد انجینیئرنگ یونیورسٹی کی فیکلٹی انفارمیشن اینڈ کمپیوٹنگ کی گلبرگ ٹاؤن منتقلی کیلئے معاہدہ
- ججز کو کسی کا اثر رسوخ لینے کے بجائے قانون پر چلنا چاہئے، جسٹس اطہر من اللہ
- امیر خسروؒ کا عرس: بھارت میں پاکستانی زائرین کے ساتھ ناروا سلوک
- جنگ بندی کی تجویز پر اسرائیل کا جواب موصول ہوگیا ہے، حماس
- فواد چودھری کی پی ٹی آئی میں واپسی کا امکان
- اسٹیبلشمنٹ سے مذاکرات، پی ٹی آئی فوج کو دوبارہ سیاست میں دھکیل رہی ہے، حکومتی اتحاد
- سیشن جج وزیرستان کو مسلح افراد نے اغوا کر کے گاڑی نذر آتش کردی
- سبزیجاتی اشیاء پر انتباہ کو واضح درج کرنے پر زور
کراچی: فائرنگ کے واقعات میں متحدہ کے کارکن سمیت3 ہلاک
کراچی: کراچی کے مختلف علاقوں میں فائرنگ کے واقعات میں متحدہ کے کارکن سمیت3 افراد ہلاک جبکہ خاتون سمیت10 زخمی ہوگئے۔
تفصیلات کے مطابق سرجانی ٹاؤن سیکٹر5-D میں واقع ڈبو کلب پر موٹر سائیکل سوار نامعلوم ملزمان نے اندھا دھند فائرنگ کر دی جس کے نتیجے میں 40 سالہ ذوالفقار حیدر جاں بحق ہوگیا ، مقتول کی لاش ضابطے کی کارروائی کے لیے عباسی شہید استپال لائی گئی ، پولیس کا کہنا ہے کہ مقتول متحدہ قومی موومنٹ کا کارکن اور نیو کراچی سندھ گورنمنٹ اسپتال کا ملازم بتایا جاتا ہے ، واقعہ کے بعد علاقے میں کشیدگی پھیل گئی تاہم پولیس نے موقع پر پہنچ کر صورتحال کو کنٹرول کر کے گشت میں اضافہ کر دیا ، سعود دآباد ملیر کالا بورڈ کے قریب فائرنگ سے زوہیب علی جبکہ پریڈی کے علاقے ریگل چوک کے قریب فائرنگ سے عمران نامی شخص زخمی ہوگیا ۔کلری کے علاقے لیاری دریا آباد میں فائرنگ سے لیاری گینگ وار کے انتہائی مطلوب بابا لاڈلا کے دست راست شکیل بادشاہ گروپ سے تعلق رکھنے والا 22 سالہ انیل ہلاک ہوگیا جس کی لاش ضابطے کی کارروائی کے لیے سول اسپتال لائی گئی واقعہ کے بعد گینگ وار کے عذیرجان بلوچ اور بابا لاڈلہ گروپ کے کارندوں میں جدید ہتھیاروں سے مورچہ بند فائرنگ کا سلسلہ شروع ہوگیا جس کے باعث علاقہ مکین گھروں میں محصور ہوگئے ۔
جبکہ شدید فائرنگ سے علاقے میں خوف و ہراس پھیل گیا ، دونوں گروپوں میں مسلح تصادم کے دوران علاقے میں نہ تو پولیس داخل ہو سکی اور نہ ہی رینجرز کا کچھ پتہ تھا اور گینگ وار کے ملزمان آزادانہ جدید ہتھیاروں سے دنداناتے ہوئے ایک دوسرے پر گولیاں برساتے رہے ، بلدیہ ٹاؤن کے علاقے 7 نمبر میں نامعلوم ملزمان کی فائرنگ سے 30 سالہ نامعلوم شخص ہلاک ہوگیا جس کی لاش رات گئے ایدھی ایمبولینس کے ذریعے سول اسپتال لائی گئی ، پولیس کا کہنا ہے کہ فوری طور پر مقتول کی شناخت نہیں ہو سکی تاہم مزید تحقیقات کی جا رہی ہے ۔ پیر آباد کے علاقے منگھوپیر روڈ پر گھر کے اندر پراسرار فائرنگ سے الماس نامی خاتون زخمی ہوگئی ، شیرشاہ میراں ناکہ کے قریب فائرنگ سے22 سالہ نعیم ، کورنگی ڈھائی نمبر میں فائرنگ سے50 سالہ مقبول جبکہ عبداﷲ کالج کے قریب فائرنگ سے آصف زخمی ہوگیا ۔ ادھرملیر کے علاقے کھوکھراپار میں نامعلوم افراد کی فائرنگ سے30 سالہ اسما منظور زخمی ہوگئی جسے طبی امداد کے لیے جناح اسپتال منتقل کیا گیا ، طارق روڈ لبرٹی چوک پر مسلح افراد کی فائرنگ سے45 سالہ عبدالقادر ولد عمر میمن زخمی ہوگیا ، نمائش چورنگی پر سولجر بازار کے علاقے میں35 سالہ اعجاز خان ولد نیاز خان زخمی ہوا جسے سول اسپتال پہنچایا گیا ، پریڈی کے علاقے زیب النسا اسٹریٹ پر35 سالہ عمران جبکہ کورنگی میں25 سالہ ذاکر زخمی ہوگیا جسے طبی امداد کی غرض سے جناح اسپتال لے جایا گیا ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔