- پاکستان ڈیجیٹل کرنسی کی جانب جانے کا سوچ رہا ہے، وفاقی وزیر خزانہ
- مردان میں انسداد تجاوزات آپریشن میں قبضہ مافیا کی فائرنگ سے ریلوے پولیس کے دو اہلکار شہید
- وزیراعظم کی آئی ایم ایف کی سربراہ سے ملاقات، نئے قرض پروگرام پر تبادلہ خیال
- آپ کا مشن ہمارا مشن، پاکستان کی ترقی ہماری ترقی ہے، سعودی وزرا کی وزیراعظم کو یقین دہانی
- روس؛ فوربز سے منسلک صحافی فوج سے متعلق فیک نیوز پھیلانے کے الزام میں نظربند
- کراچی میں سال کا گرم ترین دن ریکارڈ
- آئی پی ایل: ٹم ڈیوڈ کا چھکا پکڑنے کی کوشش میں تماشائی زخمی ہوگیا
- آئی ایم ایف کے پاس جانا اپنی ناکامی کا اعتراف ہے، شاہد خاقان عباسی
- اذلان شاہ ہاکی کپ کیلئے 18 رکنی قومی اسکواڈ کا اعلان
- لڑکوں کے مقابلے میں لڑکیاں ویپنگ زیادہ کرتی ہیں، تحقیق
- انگریزی بولنے کی مشق کے لیے گوگل کا اہم اقدام
- بھارت میں گول گپے بیچنے والا مودی کا ہمشکل
- مبینہ انتخابی دھاندلی: مولانا فضل الرحمٰن کا 9 مئی کو اگلا لائحہ عمل دینے کا اعلان
- ڈیرہ اسماعیل خان میں سیکیورٹی فورسز کی کارروائی کے دوران دو دہشت گرد ہلاک
- موٹروے پولیس اہلکار کی بکری لے جانے کی ویڈیو وائرل، معاملہ حل ہوگیا
- بھارت؛ اترپردیش میں ٹاپ کرنے والی طالبہ شکل و صورت پر ٹرولنگ کا شکار
- نند کی شادی پر انگوٹھی اور ٹی وی دینے پر بیوی نے شوہر کو قتل کروادیا
- وزیراعظم شہباز شریف نے اسحاق ڈار کو نائب وزیراعظم مقرر کردیا
- باجوڑ میں برساتی نالے میں پھنسنے والی خاتون کے ہاں 4 بچوں کی پیدائش
- جسٹس بابر ستار کے پاس پاکستان کے علاوہ کسی اور ملک کی شہریت نہیں، اسلام آباد ہائیکورٹ
حکومت غربت کے خاتمے میں ناکام،دیگرشعبوں میں کارکردگی بہتر
اسلام آباد: پاکستان انسٹی ٹیوٹ آف لیجسلیٹو ڈیولپمنٹ اینڈ ٹرانسپیرنسی( پلڈاٹ) نے مسلم لیگ’’ ن‘‘ کی حکومت کے پہلے سال کی کارکردگی کے معیارکو قدرے بہتر قرار دیا ہے ۔
پلڈاٹ نے 4 جون2013 سے 5 جون2014 کے دوران حکومتی نظم ونسق کے معاملے میں مسلم لیگ ’’ن ‘‘کو44 فیصد اسکوردیا ہے ۔یہ اسکور وفاقی حکومت کی جانب سے25 اہم اشاریوں کے حوالے سے فراہم کیے گئے اعدادوشمارکی بنیاد پر دیا گیا۔پلڈاٹ کے مطابق وفاقی حکومت کی کارکردگی تھوڑی بہتر ہوئی ہے۔ مسلم لیگ ن کی حکومت کی زیادہ توجہ قومی دفاع،اندرونی سلامتی اور توانائی کے شعبہ پر تھی ۔
تاہم ان 25 اشاریوں میں سے مسلم لیگ’’ ن ‘‘کی حکومت نے صرف 3 میں 60 فیصد یا اس سے زیادہ سکورحاصل کیا ۔ان میں قدرتی آفات سے نمٹنے کیلیے تیاری کی مد میں 62 فیصد،میرٹ کی بنیاد پرتعیناتیوں اورترقیوں میں61 فیصداورخارجہ پالیسی کے امور میں 60 فیصد اسکور رہا ۔مسلم لیگ کی حکومت نے غربت کے خاتمے میں سب سے کم22 فیصد اور شفافیت میں صرف 27 فیصد اسکور حاصل کیا ۔ نواز حکومت کا سرکاری شعبے کی ترقی، بدعنوانی سے نمٹنے کیلیے کوششوں،امن واستحکام یقینی بنانے،سرمایہ کاردوست ماحول بنانے اورقومی دفاع کے معاملات پر 50 فیصد کے لگ بھگ اسکور ہے۔
بچوں کو بیماریوں سے بچائوکیلیے 44 فیصد جبکہ آبی وسائل کی منیجمنٹ کے حوالے سے اسکور 42 فیصد رہا۔پلڈاٹ نے رپورٹ میں مسلم لیگ ن کی حکومت کی جانب سے قومی اندرونی سلامتی پالیسی متعارف کرانے اورنیکٹا کے تحت انٹرنل سیکیورٹی ڈائریکٹوریٹ کے قیام کوبھی سراہا ہے ۔یہ بھی کہا گیا ہے کہ بیرونی سرمایہ کاری کیلیے خارجہ پالیسی کوبھی مضبوط بنایاگیا ہے ۔
سرمایہ کاری اوردوطرفہ سمجھوتوں میں زیادہ زورتوانائی کے شعبے پر تھا۔۔مقامی سرمایہ کاری میں 8 فیصد اضافہ ہوا ۔رپورٹ کے مطابق خواندگی سمیت سماجی اوراقتصادی شعبے میں بھی بہتری آئی ہے ۔
نوازحکومت کے پہلے سال کے منفی پہلوئوں میں غربت کے خاتمے میں ناکامی اور اقوام متحدہ کے ملینیئم ترقیاتی اہداف حاصل نہ کرنا شامل ہے ۔ 2014 کی انسانی ترقی کی رپورٹ کے مطابق ملک کی تقریباً نصف آبادی غربت کی لکیر سے نیچے زندگی گزار رہی ہے جبکہ اقتصادی سروے کے مطابق بے روزگاری کی شرح 6فیصد سے کم ہے۔حکومت کے اقتدار کے پہلے سال میں قانون سازی کا شعبہ بھی کمزوری کاشکار رہااورقومی اسمبلی میں11 بل پیش کئے گئے جن میں سے فنانس بل کے علاوہ ایک بل سینٹ سے منظوری کے بعد قانون بن سکا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔