- ایرانی صدر کے ہیلی کاپٹر پر حملے یا مشکوک سرگرمی کے شواہد نہیں ملے، رپورٹ
- جسٹس محسن اختر کیانی کے خط پر توہینِ عدالت کیس میں عدالتی معاون کا تقرر
- گوادر میں اربوں روپے مالیت کی منشیات اسمگلنگ کی کوشش ناکام
- آٹو انڈسٹری کی آئندہ بجٹ میں استعمال شدہ گاڑیاں مہنگی کرنے کی تجویز
- کراچی میں ایم کیو ایم لندن کا انتہائی مطلوب ملزم حامد پیا گرفتار
- ٹی20 ورلڈکپ؛ عثمان خان کی سلیکشن پر احمد شہزاد نے سوال اٹھادیا
- خیبرپختونخواہ بار کونسل کا ججز تعیناتی کے طریقہ کار میں آئینی ترمیم کا مطالبہ
- گھوٹکی میں فائرنگ سے شدید زخمی صحافی نصراللہ گڈانی جاں بحق
- خیبر؛ پولیس ناکابندی پر کروڑوں روپے مالیت کی منشیات پکڑی گئی
- حج سیزن ؛ مکہ مکرمہ میں وزٹ ویزے پر داخلے پر پابندی عائد
- ٹول ٹیکس میں 30 فیصد تک اضافہ،اطلاق یکم جولائی سے ہوگا
- زمینی و سمندری راستے سے ٹرانزٹ ٹریڈ کے سامان کی ترسیل پر پابندی
- پونٹنگ، لینگر، فلاور کے بعد سنگاکارا کا بھی انڈین ٹیم کی کوچنگ سے انکار
- کراچی؛ گھر میں گیس لیکیج دھماکے سے خواتین و بچوں سمیت 8 افراد جھلس گئے
- پاکستان کو 10 ماہ میں 7.142 ارب ڈالر کے غیرملکی قرضے و گرانٹس موصول
- ہر چیز پر 18 فیصد سیلز ٹیکس، آئی ایم ایف کی شرائط نے وزیراعظم کو مشکل میں ڈال دیا
- نانی سیلی بارٹن کا 67 سال کی عمر میں انٹرنیشنل کرکٹ ڈیبیو
- ٹی20 ورلڈکپ؛ قومی ٹیم کے منفرد انداز میں اعلان نے شائقین کے دل جیت لیے
- گل مہر؛ جیسے ویرانے میں چپکے سے بہار آجائے
- 40 نوری سال کے فاصلے پر زمین جیسا سیارہ دریافت
مچل جونسن اوراسٹورٹ براڈ 300 وکٹیں لینے اور2 ہزاررنزبنانے کے سنگ میل کے قریب
برمنگھم: انگلش اور آسٹریلوی فاسٹ بولرز اسٹورٹ براڈ اور مچل جونسن میں نئی ریس شروع ہوگئی، دونوں 300 وکٹیں اور 2 ہزار رنز مکمل کرنے والے کلب کو جوائن کرنے کے قریب پہنچ گئے، جونسن کو یہ اعزاز پانے کے لیے ایک شکار اور ایک رن مزید درکار ہے، براڈ صرف 4 وکٹوں کی دوری پرہیں۔
تفصیلات کے مطابق اب تک ٹیسٹ کرکٹ میں صرف 11 کرکٹرز 300 وکٹیں لینے کے ساتھ 2 ہزار یا اس سے زائد رنز بناسکے ہیں، اب اس میں دو نئے کھلاڑیوں کا اضافہ ہونے والا ہے جن میں انگلینڈ کے اسٹورٹ براڈ اور آسٹریلیا کے مچل جونسن شامل ہیں، دونوں میں یہ دوڑ لگ چکی ہے کہ پہلے کون اس کلب کا ممبر بنتا ہے۔ جونسن اب تک 299 وکٹیں لینے کے ساتھ 1999 رنز بھی بناچکے ہیں۔ وہ بدھ سے انگلینڈ کے خلاف شروع ہونے والے تیسرے ٹیسٹ میں جیسے ہی کسی کھلاڑی کو آؤٹ کریں گے، ان کی ٹیسٹ وکٹوں کی ٹرپل سنچری مکمل ہوجائے گی جبکہ صرف ایک رن مزید بنانے سے 2 ہزار رنز بھی مکمل ہوجائیں گے۔
لیفٹ آرم فاسٹ بولر اب تک 68 ٹیسٹ کھیل چکے ہیں، وہ وکٹوں کی ٹرپل سنچری مکمل کرنے والے آسٹریلیا کے پانچویں بولر بن جائیں گے ان سے قبل شین وارن، گلن میک گرا، ڈینس للی اور بریٹ لی یہ سنگ میل عبور کرچکے ہیں۔ جونسن کا اب تک کا کیریئر اتار چڑھاؤ سے بھرپور رہا، 2010-11 کی ہوم ایشز سیریز میں ان کی لائن اینڈ لینتھ متاثر ہوئی جس کی وجہ سے مہمان شائقین کی جانب سے ان پر فقرے بھی کسے گئے تھے، اس چیز کا بدلہ انھوں نے اپنے ہی ملک میں 2013-14 میں کھیلی جانے والی ایشز سیریز میں لیا جب انھوں نے 14 سے بھی کم اوسط سے 37 وکٹیں لیں۔
جس سے آسٹریلیا نے کلین سویپ کرتے ہوئے ایشز ٹرافی دوبارہ اپنے قبضے میں کی، جس کے دفاع کی اب وہ جنگ لڑنے میں مصروف ہے۔
رواں سیریز کے کارڈف میں کھیلے جانے والے پہلے مقابلے میں جونسن کی کارکردگی غیر متاثر کن رہی اور اس بار بھی باؤنڈری کے قریب فیلڈنگ کرتے ہوئے انھیں تماشائیوں کے مذاق کا نشانہ بننا پڑا تھا لیکن لارڈز میں ایک بار پھر وہ اپنی پہلے جیسی فارم میں دکھائی دیے اور اپنی ٹیم کی 405 رنز کے بڑے مارجن سے فتح میں اہم کردار ادا کیا۔اسی طرح اسٹورٹ براڈ کی وکٹوں کی تعداد 296 ہے تاہم وہ پہلے ہی 2353 رنز بناچکے ہیں۔ یاد رہے کہ اس کلب میں پاکستان کے عمران خان اور وسیم اکرم بھی شامل ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔