- لاہور؛ سب انسپکٹر کا ٹریفک اسسٹنٹ پر بہیمانہ تشدد، ویڈیو وائرل
- ثقلین مشتاق نے آل ٹائم ون ڈے الیون کا انکشاف کردیا
- 565 میٹرک ٹن چینی، سگریٹ، کپڑا، ایرانی تیل برآمد کرلیا گیا
- ایف بی آر کے کارپوریٹ ٹیکس آفس اسلام آباد کیخلاف تحقیقات کا حکم
- پنجاب میں ہیٹ ویو کا الرٹ جاری، درجہ حرارت 45ڈگری جانے کا امکان
- غزہ میں جھڑپوں اور دھماکوں میں مزید 3 اسرائیلی فوجی ہلاک، 4 شدید زخمی
- حکومت نیٹ میٹرنگ ختم کرکے گراس میٹرنگ پالیسی لانے کوتیار
- پاکستان اور آئی ایم ایف کے درمیان پالیسی سطح کے مذاکرات کل شروع ہونگے
- این اے 148 ملتان میں ضمنی انتخاب کیلیے پولنگ جاری
- وزیراعظم کو آئی ایم ایف کا 18 ہزار ارب کا مجوزہ بجٹ پیش
- ٹی20 ورلڈکپ؛ ٹاپ 4 ٹیمیں کون سی ہوں گی؟ کیف نے پیشگوئی کردی
- ایک منٹ میں 110 پینسلیں توڑنے کا عالمی ریکارڈ
- سوشل میڈیا اور بچوں میں سیگریٹ نوشی کے درمیان تعلق کا انکشاف
- گرین ہاؤس گیسز کو قیمتی کیمیکلز میں بدلنے کا نیا طریقہ وضع
- بشکیک سے 140 طلبا کو لے کر پرواز لاہور پہنچ گئی
- ’’ کوہلی نے پاکستان آکر کھیلنے سے متعلق اچھی بات کی ہے‘‘
- کراچی: چھالیہ کے اسمگلرز کا پولیس کو رشوت دینا مہنگا پڑ گیا
- کراچی: گریڈ 17 کا افسر عدالت میں میتھ کی اسپیلنگ نہ سُنا سکا
- عالمی بینک کی پاکستان میں آئندہ مالی سال مہنگائی میں کمی کی پیش گوئی
- افغانستان کے صوبہ غور میں شدید بارش اور سیلاب سے 50 افراد جاں بحق
غیر قانونی چنگ چی رکشوں کے خلاف کارروائی جاری
کراچی: ٹریفک پولیس کی جانب سے غیر قانونی چنگ چی رکشوں کے خلاف مسلسل پانچویں روز بھی کارروائی کی گئی۔
تفصیلات کے مطابق ٹریفک پولیس کی جانب سے موٹرسائیکل چنگ چی اور سی این جی رکشوں کے خلاف کریک ڈاؤن جاری ہے ،ٹریفک پولیس اورصوبائی محکمہ ٹرانسپورٹ کا کہنا ہے کہ موٹرسائیکل وسی این جی چنگ چی رکشوں کے مالکان باڈیز میں ردوبدل کرکے گنجائش سے زائد مسافروں کو بیٹھا رہے ہیں۔
جس کے باعث یہ سروس انسانی زندگی کیلیے انتہائی خطرناک ہوچکی،صوبائی محکمہ ٹرانسپورٹ کے متعلقہ افسران نے بتایا کہ غیرقانونی موٹرسائیکل وسی این جی چنگ چی رکشاؤں کو محفوظ طرزکی ٹرانسپورٹ بنانے کیلیے ریگولیٹ کرنے کی پالیسی تشکیل دی جاچکی، 9تا 12سیٹوں والے رکشوں کو کسی صورت چلنے نہیں دیا جائے گا،صرف 4سیٹوں والے رکشوں کی اجازت ہوگی، پنجاب میں بھی ان چنگ چی رکشوں پر پابندی لگ چکی ہے۔
چنگ چی رکشوں کی وجہ سے شہر کی سڑکوں پر ٹریفک اژدہام اور حادثات معمول بن گئے،متعلقہ افسران نے بتایا کہ پنجاب میں قائم ورکشاپس سے چنگ چی رکشوں کے انفرااسٹرکچر میں تبدیلی کی جاتی ہے اور پھر یہ سندھ میں لائی جاتی ہیں،اس ضمن میں صوبائی محکمہ داخلہ کو خط لکھ دیا گیا ہے کہ سندھ وپنجاب کی سرحد پر دفعہ 144لگا کر ان غیرقانونی چنگ چی رکشوں کی آمد کو روکا جائے۔
ٹریفک پولیس اورصوبائی محکمہ ٹرانسپورٹ کے مطابق چنگ چی رکشاؤں کے انفرااسٹرکچر میں تبدیلی کے باعث انھیں فٹنس سرٹیفکیٹ نہیں دیا گیا ہے اور نہ ہی روٹ پرمٹ جاری کیا گیا،جب تک یہ ضابطے کے مطابق اانفرا اسٹرکچر کو درست نہیں کرلیتے ، انھیں سڑکوں پر چلنے کی اجازت نہیں دی جائیگی، ٹریفک پولیس کی جانب سے چنگ چی رکشوں کیخلاف کریک ڈاؤن کے باعث شہریوں کو شدید مشکلات کا سامنا رہا،بیشتر شہری دفاتر اور کاروباری مراکز پر بروقت نہ پہنچ سکے، دستیاب منی بسوں اور کوچز پر شہری چھتوں پر چڑھ کر سفر کر رہے ہیں۔
شہریوں کا کہنا ہے کہ کراچی میں بڑی بسیں اور منی بسوں کی شدید قلت واقع ہوچکی ہے، سندھ حکومت پہلے بڑی بسوں کا بندوبست کرلے پھر چنگ چی رکشوں کا خاتمہ کرے، خستہ حال بسوں میں بھیڑبکریوں کی طرح سفر کرنے پر مجبورہیں۔
چنگ چی ایسوسی ایشن کے رہنما اکبر خان کے مطابق شہر میں 55ہزار سی این جی چنگ چی رکشا اور 35ہزار موٹرساییکل چنگچی رکشا شہریوں کو ٹرانسپورٹ کی سہولیات پہنچارہے ہیں،انھوں نے کہا کہ ہائی کورٹ میں پٹیشن داخل کی جاچکی ہے جس پر اسٹے آرڈر ہے، اس دوران چنگچی رکشاؤں کے خلاف آپریشن درست نہیں ہے، سندھ حکومت اگر تعاون کرے تو چنگچی رکشا کے مالکان ضابطے کے تحت فٹنس سرٹیفیکٹ اور روٹ پرمٹ حاصل کرنا چاہتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔