- پینشن کی مد میں خطیر اخراجات؛ جامعات میں نیا سروس اسٹرکچر لانے کی تیاریاں
- سندھ حکومت میں اختلافات کی تردید، مراد علی شاہ کو وزیراعلیٰ برقرار رکھنے کا فیصلہ
- کرغزستان سے مزید پاکستانی طلبا کو لانے کیلیے دو خصوصی پراوزیں شیڈول
- لیاری میں جائیداد کے تنازع پر بھتیجے نے چچا کو قتل کردیا
- ہتک عزت قانون کی منظوری پر ایچ آر سی پی کا سخت اظہار تشویش
- خلیج بنگال میں رواں سال کا پہلا سمندری طوفان بننے کا امکان
- کراچی میں ہیٹ ویو کا کوئی امکان نہیں، محکمہ موسمیات
- کراچی؛ کمسن بچی کی نازیبا ویڈیوز وائرل کرنے والے ملزمان گرفتار
- وزیراعلیٰ کی کوئٹہ پریس کلب کو تالا ڈالنے والوں کے خلاف کارروائی کی یقین دہانی
- اسحاق ڈار کی ڈپٹی وزیراعظم تعیناتی کیخلاف درخواست سماعت کیلیے مقرر
- الیکٹرانک کرائم ایکٹ پر سیاسی مفاہمت پیدا کرنے کیلیے کمیٹی تشکیل
- پولٹری سیکٹر میں باہمی گٹھ جوڑ کے ذریعے چوزوں کی قیمت کے تعین کا انکشاف
- ابراہیم رئیسی کی جگہ بننے والے نئے عبوری صدر کون ہیں؟
- تیزگام ایکسپریس میں پریمیئم لاؤنج ڈائننگ کار کی سہولت فراہم
- جھوٹی خبر پر 30 لاکھ ہرجانہ، پنجاب اسمبلی میں ہتک عزت قانون منظور
- کراچی: نیو سبزی منڈی میں ڈاکو منشی سے 25 لاکھ روپے چھین کر فرار
- اسرائیل کا شام میں ایران کے ٹھکانوں پر حملہ؛ 6 اہلکار جاں بحق
- چین کے پرائمری اسکول میں چاقو بردار خاتون کا طلبا پر حملہ؛ 2 ہلاک اور 10 زخمی
- وزیراعظم کا ایرانی سفارت خانے کا دورہ، ابراہیم رئیسی اور وزیر خارجہ کے انتقال پر تعزیت
- خطرہ محسوس ہونے پر مرنے کی اداکاری کرنے والی چیونٹیاں
سندھ بھر میں سی این جی جمعرات تک بند گیس کے حصول کیلئے جھگڑے
کراچی: سوئی سدرن گیس کمپنی نے کراچی سمیت سندھ بھر میں منگل سے جمعرات کے درمیان سی این جی کی 48گھنٹے بندش کا حکم صادر کردیا ہے۔
جس کے بعد سی این جی کی غیراعلانیہ ہڑتال سے بدحال صارفین کی پریشانی میں مزید اضافہ ہوگیا ہے، سوئی سدرن گیس کمپنی کے اعلامیے کے مطابق گیس کی قلت کے پیش نظر کراچی سمیت سندھ بھر میں سی این جی اسٹیشنز کو گیس کی فراہمی منگل 4دسمبر کی شب 12بجے سے جمعرات 6دسمبر 12بجے شب تک بند رہے گی۔
خلاف ورزی کرنے والے سی این جی اسٹیشنز کو گیس کی فراہمی سزا کے طور پر مزید 48گھنٹے کے لیے بند کردی جائیگی، علاوہ ازیں شہر میں سی این جی کی بندش نے جہاں گاڑیوں کے مالکان کو شدید مشکلات سے دوچار کر دیا ہے وہیں پر ان علاقوں میں جہاں سی این جی اسٹیشنز قائم ہیں گاڑیوں کی طویل قطاروں نے علاقہ مکینوں کی زندگی اجیرن بنا دی ہے ۔
سی این جی کے حصول میں لگنے والی لائنوں میں نوبت ہاتھا پائی تک جا پہنچی ہے ، طویل قطاروں میں لگ کر سی این جی حاصل کرنے اور لڑائی جھگڑوں نے شہریوں کو نفسیاتی الجھنوں سے دوچار کر دیا ہے حکومت کی جانب سے سی این جی اسٹیشنز کی 24 سے 48 گھنٹوں تک کی بندش کا سلسلہ جاری ہے اور جیسے ہی شہریوں کو پتہ چلتا ہے کہ سی این جی اسٹیشن اگلے روز بند کردیے جائیں گے۔
شہر بھر میں قائم سی این جی اسٹیشنز پر گاڑیوں کی طویل قطاری لگ جاتی ہیں جس میں منی بسیں ، کوچز اور بسیں بھی شامل ہوتی ہے ، سی این جی کی طویل بندش نے گاڑیوں کے مالکان کو عصاب شکن انتظار سے دوچار کر دیا ہے، ڈیڑھ سے دو گھنٹے سے زائد طویل انتظار میں کھڑے رہنے کے باعث شہری نہ صرف شدید جھنجلاہٹ کا شکار ہیں بلکہ ان میں چڑچڑا پن بھی بڑھتا جا رہا ہے ۔
شہر کے مختلف علاقوں میں سی این جی کے حصول کے دوران ہاتھا پائی اور دست و گریباں کے واقعات میں اضافہ ہوتا جا رہا ہے اور اس طرح کے مناظر شہر کے مختلف سی این جی اسٹیشنز پر بخوبی دیکھے جا سکتے ہیں ، شہر کے مختلف علاقوں میں قائم سی این جی اسٹیشنز پر گیس کے حصول کے لیے لگنے والی لمبی لمبی قطاروں نے جہاں گاڑیوں کے مالکان کو شدید مشکلات سے دوچار کیا ہوا ہے وہیں پر ان علاقوں میں جہاں سی این جی اسٹیشنز قائم ہیں گاڑیوں ، منی بسوں ، کوچز اور بسوں کی طویل قطاروں نے علاقہ مکینوں کی زندگی کو بھی اجیرن بنا دیا ہے اور انھیں اپنے گھر تک جانے کے لیے طویل قطاروں کے باعث راستہ ہی نہیں ملتا۔
جبکہ ان طویل قطاروں سے ٹریفک کی روانی بھی شدید متاثر ہوتی ہے جس کے باعث شہر کی اہم اور مصروف شاہراہوں پر ٹریفک جام ہو جا تا ہے، لائنوں میں کئی گھنٹوں کے عصاب شکن انتظار کے بعد سی این جی کے حصول میں کھڑے ہوئے شہریوں نے ایکسپریس سے بات چیت کرتے ہوئے حکومت کی جانب سے سی این جی کی طویل بندش پر شدید رد عمل کا اظہار کرتے ہوئے کہا کہ حکومت شہریوں کو پریشان کرنے کا کوئی موقع ہاتھ سے نہیں جانے دیتی۔
پہلے کہا گیا کہ ماحول کو آلودگی سے بچانے کے لیے سی این جی کٹ لگائی جائے اور پھر خوب دل کھول کر سی این جی اسٹینشنز کے اجازت نامے جاری کیے گئے جب شہریوں نے پٹرول کی بڑھتی ہوئی قیمت اور ماحول کو آلودگی سے بچانے کے لیے سی این جی کٹس لگائیں تو اب یہ کہا جا رہا ہے کہ گیس کی شدید قلت ہے گھریلو صارفین کو مشکل سے بچانے کے لیے ہفتے میں دو بار سی این جی اسٹیشنز بند کیے جائیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔