- 2014ء کے دھرنے کی انکوائری کے لیے تیار ہوں، عمران خان
- سندھ ہائر ایجوکیشن کمیشن کے تحت جاب فیئر کل ایکسپو سینٹر کراچی میں ہوگا
- اذلان شاہ ہاکی ٹورنامنٹ؛ پاکستان کے فائنل کھیلنے کے امکانات روشن
- شبلی فراز اور عمر ایوب کے ساتھ کام کرنے سے انکار کرتا ہوں، شیر افضل
- کراچی میں اغوا کی جانے والی ساڑھے4 سالہ بچی بازیاب، اغوا کارخاتون گرفتار
- بلوچستان میں حوالہ ہنڈی اور بجلی چوری کے خلاف کریک ڈاؤن
- سونے کی عالمی اور مقامی مارکیٹوں میں قیمت آج مزید کم ہو گئی
- پاکستان کا پہلا سیٹلائٹ خلائی مشن آئی کیوب چاند کے مدار میں داخل
- یوکرینی صدر کو قتل کرنے کی سازش پکڑی گئی؛ 2 کرنل گرفتار
- لاہور میں وکلا کا مطالبات کے حق میں احتجاج، پولیس سے شدید جھڑپوں میں متعدد افراد زخمی
- وزیراعلیٰ پختونخوا علی گنڈاپور نے اپنی پارٹی کو بھی دھوکے دیے ہیں، گورنر کے پی
- وزیرِاعظم کا پاکستان اسکل کمپنی اور اسکل ڈویلپمنٹ فنڈ بنانے کا حکم
- بھارتی فوج کی ریاستی دہشت گردی میں 3 کشمیری نوجوان شہید
- دورہ آئرلینڈ؛ محمد عامر تاحال ویزے سے محروم
- عارف علوی انسداد دہشت گردی عدالت پہنچ گئے، شاہ محمود، یاسمین راشد سے ملاقات
- 10 اور 11 مئی کو جنوبی پنجاب میں طوفانی بارش کا امکان
- پاکستان سے حج آپریشن کا آغاز، پہلی پرواز کل مدینہ منورہ کیلیے روانہ ہوگی
- لاہور؛ گاڑیوں کو موٹرسائیکل سے ٹکر مار کر لوٹنے والا ڈاکو گرفتار
- بشریٰ بی بی کو بنی گالہ سے اڈیالہ جیل منتقل کرنے کا حکم
- پی ایس ایل2025؛ مجوزہ شیڈول فرنچائزز کو ارسال
سندھ حکومت نے واٹر بورڈ کو میئر کے کنٹرول میں دینے کا فیصلہ کر لیا
کراچی: عدالت کی جانب سے مسلسل باز پرس پر سندھ حکومت نے ادارہ فراہمی ونکاسی آب سے جان چھڑانے کا فیصلہ کرلیا جب کہ واٹر بورڈ میئر کراچی کے ماتحت کرنے پر اتفاق، پیپلز پارٹی کی اعلیٰ قیادت نے منظوری دے دی۔
نتہائی باوثوق ذرائع کے مطابق سندھ حکومت کراچی میں فراہمی و نکاسی آب کے سنگین مسائل کو کنٹرول کرنے میں مکمل طور پر ناکام ہوگئی ہے جس کے باعث صوبائی حکومت کو شدید تنقید کا نشانہ بنایا جارہا ہے، دوسری طرف فراہمی ونکاسی آب کے اربوں روپے لاگت کے اہم ترین منصوبے مسلسل التوا کا شکار ہونے سے حکومت سندھ کے خلاف عدلیہ بھی باز پرس کر رہی ہے جس سے جان چھڑانے کے لیے سندھ حکومت نے بلدیاتی اداروں کی حقیقت کو تسلیم کرتے ہوئے پہلے مرحلے میں کراچی واٹر اینڈ سیوریج بورڈ کو میئر کراچی کے کنٹرول میں دینے کا فیصلہ کرلیا۔
باوثوق ذرائع کا کہنا ہے کہ پیپلز پارٹی کی اعلیٰ قیادت نے بھی اس کی منظوری دے دی ہے جس کے بعد قوی امکان ہے کہ آج(جمعہ کو) کراچی واٹر اینڈ سیوریج بورڈ کو میئر کراچی کے ماتحت کرنے کا نوٹیفکیشن جاری کردیا جائے گا۔
اس سلسلے میں ذرائع کا مزید کہنا ہے کہ واٹر بورڈ کی آج کی بورڈ میٹنگ چیئرمین اور صوبائی وزیر بلدیات جام خان کی صدارت میں منعقد ہوگی جس میں ایوارڈ کیے گئے کئی اہم ٹینڈرز کی منظوری دی جائے گی، ذرائع کا کہنا ہے کہ چیئرمین واٹر بورڈ کی حیثیت سے وزیر بلدیات جام خان شورو کی یہ آخری بورڈ میٹنگ ہوگی جس کے بعد واٹر بورڈ میئر کراچی وسیم اختر کے ماتحت کردیا جائے گا، اجلاس میں تمام ڈی ایم سیز کے چیئرمینز بھی شریک ہوں گے۔
دوسری طرف واٹر بورڈ کے افسران کا کہنا ہے کہ بورڈ میٹنگ میں بعض ایسے منصوبوں کو بھی ریگولرائز کرانے کی کوشش کی جا رہی ہے جس میں افسران کی مبینہ سرپرستی سے سنگین نوعیت کی بدعنوانیاں کی گئی ہیں۔ ممبران کو چاہیے کہ ان کی منظوری دینے کے بجائے کمیٹی بنا کر تحقیقات کی جائیں۔
دریں اثناء ذرائع کا کہنا ہے کہ پیپلز پارٹی نے عام انتخابات کی تیاریاں شروع کر دی ہیں ایسے موقع پر فراہمی ونکاسی آب کے سنگین مسائل سے پیپلز پارٹی کو عام انتخابات میں سیاسی نقصان پہنچ سکتا ہے جبکہ دوسری طرف سپریم کورٹ کی جانب سے قائم کیے جانے والے واٹر کمیشن کی پوچھ گچھ اور عوام کو صاف پانی فراہم کرانے کے عزم پر سندھ حکومت پریشانی کا شکار ہے، سندھ حکومت کے تھنک ٹینک نے اس سلسلے میں واٹر بورڈ میئر کراچی کے حوالے کر کے جان چھڑانے کا مشورہ دیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔