- نااہل حکومتیں پہلے بھی تھیں، آج بھی ہے:فیصل واوڈا
- ایران نے چابہار بندرگاہ کے ایک حصے کا انتظام 10 سال کیلئے بھارت کے حوالے کردیا
- مظفرآباد صورت حال بدستور کشیدہ، فائرنگ سے دو مظاہرین جاں بحق اور متعدد زخمی
- پاکستان اور امریکا کا ٹی ٹی پی اور داعش خراسان سے مشترکہ طور پر نمٹنے کا عزم
- سینٹرل ایشین والی بال لیگ میں پاکستان کی مسلسل تیسری کامیابی
- نئے قرض پروگرام کیلیے پاکستان اور آئی ایم ایف کے درمیان مذاکرات شروع
- آئین معطل یا ختم کرنے والا کوئی بھی شخص سنگین غداری کا مرتکب ہے، عمر ایوب
- آئی سی سی نے پلیئر آف دی منتھ کا اعلان کردیا
- آزاد کشمیر عوامی ایکشن کمیٹی کا نوٹیفکیشن دیکھنے تک احتجاج جاری رکھنے کا اعلان
- خواجہ آصف کا ایوب خان پر آرٹیکل 6 لگانے اور لاش پھانسی پر لٹکانے کا مطالبہ
- سعودی عرب اور خلیجی ممالک میں کام کرنے والے پاکستانی ڈاکٹروں کیلئے خوشخبری
- پاک فوج کے شہدا اور غازی ہمارے قومی ہیرو ہیں، آرمی چیف
- جامعہ کراچی میں فلسطینی مسلمانوں سے اظہاریکجہتی کیلیے ’’دیوار یکجہتی‘‘ قائم
- نان فائلرز کی سمیں بلاک کرنے کیلیے حکومت اور ٹیلی کام کمپنیاں میں گروپ بنانے پر اتفاق
- 40 فیصد کینسر کے کیسز کا تعلق موٹاپے سے ہوتا ہے، تحقیق
- سیکیورٹی خدشات، اڈیالہ جیل میں تین روز تک قیدیوں سے ملاقات پر پابندی
- سندھ میں گندم کی پیداوار 42 لاکھ میٹرک ٹن سے زائد رہی، وزیر خوراک
- انٹربینک مارکیٹ میں ڈالر کے مقابلے میں روپے کی قدر گر گئی
- برازیل میں بارشوں اور سیلاب سے ہلاکتیں 143 ہوگئیں
- ہوائی جہاز میں سامان رکھنے کی جگہ پر مسافر خاتون نے اپنا بستر لگا لیا
بھارت میں پٹاخہ بھی پھٹے تو الزام پاکستان پر لگا دیا جاتا ہے، وزیر داخلہ چوہدری نثارعلی
اسلام آباد: وفاقی وزیر داخلہ چوہدری نثار نے بھارت کی الزام تراشیوں کا جواب دیتے ہوئے کہا ہے کہ بھارت کی جانب سے ہر واقعے کی ذمہ داری پاکستان پر ڈال دینا ٹھیک نہیں اگر بھارت میں پٹاخہ بھی چلے تو الزام پاکستان پر ڈال دیا جاتا ہے۔
وزیر داخلہ چوہدری نثار نے اپنے بیان میں کہا کہ بھارت نے الزام تراشی کو اپنا وطیرہ بنا رکھا ہے، پاک فوج پر بھارتی کنٹرول لائن کے اندر جا کر بھارتی فورسز پر فائرنگ کرنا کسی مذاق سے کم نہیں لگتا، بھارت اس بات کی وضاحت کرے کہ لائن آف کنٹرول پر خار دار تاروں کے باوجود پاک فوج 5 کلو میٹر اندر کیسے پہنچ گئی۔
وزیر داخلہ نے کہا کہ پاکستان خطے میں امن اور سلامتی کا خواہاں ہے اور دونوں ممالک کے درمیان امن و سلامتی کا عمل صرف بات چیت اور مذاکرات کے ذریعے ہی ممکن ہے اور اس طرح بلاوجہ کی الزام تراشیوں کے سلسلے سے امن کی کوششوں کو ٹھیس پہنچے گی۔ انہوں نے کہا کہ بھارت اپنی کمزوریوں اور مسائل کا ملبہ پاک فوج پر ڈالنے کی کوشش نہ کرے۔
چوہدری نثارعلی خان نے بھارتی میڈیا کو بھی تنقید کا نشانہ بناتے ہوئے کہا کہ بھارتی میڈیا نے اس سلسلے میں غیر ذمہ دارانہ رویہ اختیار کر کے پاکستان اور پاکستانی ہائی کمیشن کے خلاف بھارتی عوام کے جذبات کو بے وجہ بھڑکانے کی کوشش کی ہے۔
واضح رہے کہ گزشتہ روز کنٹرول لائن پر مبینہ فائرنگ سے 5 فوجیوں کی ہلاکت کے بھارتی دعوے کے بعد آج حکمران جماعت کانگریس کے طلبا ونگ اور انتہاپسند ہندو ننظیموں کی جانب سے نئی دہلی میں احتجاج کیا گیا، مظاہرین نے پولیس کی موجودگی میں پاکستانی سفارت خانے پر حملہ بھی کیا اور وہاں موجود فرنیچر کو نقصان پہنچایا، مظاہرین نے احتجاج کے دوران پاکستانی پرچم بھی نذر آتش کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔